Mandelamut Gandhimullu assersuunneqarpoq
Aqqaluk Lynge sapaatit akunnerata naanerani USA-mi ataqqinaammik doktorinngortinneqarami eqqissinissamik sorsuutilissuit ilaannut assersuunneqarpoq
Sapaatit akunnerata naanerani ICC-p præsidentia Aqqaluk Lynge USA-mi New Hampshieremi Dartmount Collegemi ataqqinaammik doktorinngortinneqarami Sydafrikami prosidentiusimasumut Nelson Mandelamut Indianimilu eqqissinissamik ilungersuuteqarsimasumut Mahatma Gandhimut assersuunneqarpoq.
Taama allappoq knr.gl.
Rektori Jim Kim taama kusanartumik oqaaseqarpoq Aqqaluk Lynge ilisaritikkamiuk. Kimik assersuussinerminut tunngavilersuutigaa Lynge nakuusernerunngitsumik inuit nunallu inoqqaavisa pisinnaatitaaffiinik ilungersuuteqarsimammat.
Læs også "Grønlandsk æredoktor ved amerikansk universitet"
Jim Kim juulip 1-ani Verdensbankenimi præsidentinngortoq aamma oqarpoq, silap pissusaa pillugu oqallinnermi Aqqaluk Lynge nunarsuarmi ilisimaneqarnerpaat ataqqineqarnerpaallu ilagigaat.