Katuami nuanneqaaq
Pussycat aamma Juaaka Katuamik tiguaapput
Arfininngorneq juunip qulingiluaat Nuummi Katuami tusarnaartitsineq ornigarneqarluarpoq tusarnaariat 500t Katuap paarlersuani nuannersumik misigisassinneqarmata. Tonny Willé - Antonia Johanna Cornelia Kowalczyk'imik ativilik marlunnik erinarsoqateqarluni, aappaa panigisani peqatigalugit Pussycatikkut atugaannik tusarnaartitsipput. Nipilersuutaat immiussaapput namminnerli erinarsorlutik tusarnaariallu erinarsuutit tamaasa erinarsoqataaffigaat, pingaartumik Missisippi aamma Gerorgia atorneqarmata erinarsoqataasut imaaginnavipput.
Juaakap nipilersoqataasalu tusarnaartitsineq naggaserpaat naak tusarnaartitsinermut siullermut tusarnaariat ilaat anisimagaluartut Juaakap tusarnaartitsinerata nalaani nuannisartoqaqaaq paarlersuarmi qittanneqarluni tusarnaariallu nuannisaqisut illu kaajallallugu tasiorlutik boogie-woogiemik qittapput. Tusarnaartitsinerup naalaani tusarnaariat erinarsoqataapput Juaakallu tusarnaartitsinini naggaserlugu nuannarineqarluartoq "Lis Mari" atorpaat.