Yukonimi ranger patrulje peqataaffigalugit

Canadian Forces aamma Kangilinnguani sakkutooqarfik paarlaateqatigiittut

Kaptajnløjtnant Maria Martens, Twin Otter 440 Transport Squadrons atorlugu timmisartuussineq "bush"-minneq peqataaffigai. Timmisartuara atorluagassaq ilaatigut Sirius Patruljemit qimatulivinnik peqqumaasersuinermi atorneqartartoq, Maria Martens oqaluttuarpoq. Assi: GLK

Kaptajnløjtnant Maria Martens, ulluinnarni umiarsuarmi alapernaarsuummi Knud Rasmussenimi pisortatut suliffeqartoq, piffissami matumanerpiaq Canadamiippoq Joint Task Force North, Yellowknife, North West Territories suliaqarluni.

Canadami sakkutuut suliffeqarfiat aamma Kangilinnguani Sakkutooqarfiup paarlaasseqatigiinnermik ingerlatsineranni canadamioq sakkutooq paarlaasseqatigalugu.

Sakkutuup canadameersup Kangilinnguani Sakkutooqarfik tikeraarpaa Hvidbjørnen aamma Ejnar Mikkelsen umiartorfigalugit, illuatungaani Maria Martens Davisstrædip illuani Joint Task Force North'imiittoq.

Maria Martens Kangilinnguani Sakkutooqarfiup nittartagaani paarlaasseqatigiinneq pillugu oqaluttuarpoq canadamiut ukiorpassuarni kujataani nuna nunat killeqarfiisa pingaarnerpaartaattut isigineqartoq.

- Ukiunili qaangiuttuni Issittoq pillugu isiginninneq annertusiartortillugu nunat killeqarfiat Kalaallit Nunaallu ataatsimoorussartik pingaaruteqariartortoq taamaattumillu Kalaallit Nunaannik aamma Danmarkimik suleqateqarnissaq soqutigineqariartortoq.

- Arctic Security Working Group (Issittumi sillimanissamik suleqatigiinneq aaqq.) peqataaffiginerata saniatigut, Issittumi sillimaniarnermik eqqartuinertalik paarlaasseqatigiinnermi Twin Otterimik 440 Transport Squadrons timmisartuussineq inuilaarsuarmilu minnerit misilinneqarput. Timmisartoq mikisoq piginnaanikkaarli ilaatigut Sirius Patruljemit atorneqartarpoq qimatulivinnik pilersuisoqartillugu, Maria Martens oqaluttuarpoq:

- Paarlaasseqatigiinnerup naajartornerani tikeraagassaq kingulleq tassaavoq Yokunimi rangerinik alapernaarsueqataaneq. Rangerit aaqqissuunneqarnerat, sungiusarnerat aamma sulinerminni naammassisaat immikkut oqaluttuassartaqarpoq.

- Pinngortitarsuarmi misigisassat tupinnaannartut saniatigut Canadami tikeraarneq inuttut suleqatigisat pillugit pissarsiaqarnarluarpoq sanilerisallu periarfissat periarfissarinngisaallu paasisaqarfiginerat immini pissarsinaqaluni, Maria Martens oqaluttuarpoq.

Powered by Labrador CMS