Nannunniarneq pissanganarluinnarpoq
24-nik ukiullip Aage Hammekenip iperaatarneq sungiusimalluinnarpaa. Siusissukkut piniarneq ilinniarpaa. Ullumikkut inuussutissarsiutigalugu piniartuuvoq misilittagalik, 33-nik nannoreersimalluni
Piniartoq kinaluunniit imminut ataqqisoq nannunnisaminik sinnattugaqarpoq.
Piniartullu piniarnermut akuersissutillip uumasoq pilerigineqartoq pisarigaangagu tamanna persuarsiutigineqartarpoq, ingammik Nuummi. Ilaannikkut piniartup tulluusimaartup, inuunermini pisami nuannernersaata sanianiittup assinga tusagassiorfitsigut saqqummiunneqartarpoq.
Aamma Tunumi piniartoq nannussimalluni tikikkaangat arajutsineqarneq ajorpoq. Taamaattoqaraangalli tamanna kitaamiutut persuarsiutigineqarneq ajorpoq
Ileqqut pingaartut
Akerlianik ileqqutoqqat suli atorneqartarput, assersuutigalugu malittarisassaqarpoq kiap amia neqaalu pissanerai. Inuup – inuusuttup utoqqaalluunniit – nannumik takunneqqaartup amia neqaatalu annersaa pisassarai. Piniartullu nannumik ataatsimik pisaqartut arlaliuppata amia aallaanneqqaartup pisarpaa.
Taamaattumik piniartoq aperigaanni qanga siullermik nannussimanersoq, pisimasut marluk immikkoortittariaqarput: nanoq siulleq takoqqaagaa, aamma nanoq siulleq aallaaqqaagaa.
Aage Hammeken 14-iinnarnik ukioqarluni nannumik piaraanillu takunneqqaarpoq.
Aage Hammekenip ilisaritinnera uani sapaatit akunnerani AG-mi tamaat atuaruk, taannalu aamma uani pisiarisinnaavat: