Shell Issittumi illaruaatigineqarpoq
Uuliasioqatigiiffiup eqqartuussisulersuussinissani eqqarsaatigaa videoliami pisuusaartitami illaruaatigineqarami
Tusagassiuutitigut saqqumilaarniarnertut iluatsinngitsutut isikkoqarpoq Issittumi uuliasiulernissaarsuarmik ilimasaarinermi SHellimi ilasseqatigiinneq ajutoorluinnarmat.
Seattlemimi illorsuarmi Space Needlemi ilasseqatigiinnermi qilleriviup Kulluup Issittumi atorneqartussap mikisunngorlugu takutitassiarineqarnera takutinneqartussanngorami immalerpoq.
Assersuusiorneq paatsuugassaanngilaq, videoli inunnit millionit affaasa missaannit takuneqartoq piviusuunngitsoq maannakkut paasineqarpoq, gawker.com naapertorlugu.
Video internetimiilerami ima isikkoqarpoq allaanani Shellip ilassinninneranik ajortisaariniartoq tassaasoq Occupy Wall Streetimeersoq Logan Price, maannamulli kikkut pisuusaartitamik ilasseqatigiinnermik suliaqarnersut suli nalornineqarpoq.
Shell kamappoq
Shellili illaaruaatigineqarneq ima naammaginngitigaa uuliasioqatigiiffiup misissorniarlugu eqqartuussivilersuussissanerlutik, tusagassiuutitigut nalunaarummi allassimavoq.
Suliffeqarfiummi kamaatigeqaa qilleriviit Issittumi atorneqartussat isumannaassusiannik nalornilersitsiniarneq, nalunaarummi allassimavoq.
- Kukkusumik paasissutissiinarnerit taaammaatut Shellip ingerlassinnaanngikkai paasinerluarpoq, Shell Alaskamiit Curtis Smith allappoq.