Video: Umiarsuaq containerinik assartuut - malinnut pitorartaamminik arfermik kalittoq
Arfeq 12 meterit missaannik angissusilik toquvoq, Maersk Line-p umiarsuaanik containerinik assartuummik, Sydamerikamit Europamukartumut, aportikkami
Arfeq umiarsuup malinnut pitorartaataaniittoq ullut tamaasa takuneqarneq ajorpoq.
Rotterdam-imili umiarsualivimmi oqartussaasut taamaattorpiaq takuvaat, Maersk Line-p umiarsuaa containerinik assartuut "Maersk Norwich" pingasunngormat ullaakkut Rotterdamimut tikimmat.
- Umiarsuup malinnik pitorartaataaniippoq arfeq 12 meterit missaanik angissusilik tonsikkaanillu oqimaassusilik, qularnanngitsumik tikaagulliusaaq, Maritime Danmark allappoq.
- Ilisimaneqanngilaq Colombia-mit angalanermi sumi umairsuup containerinik assartuutip - Mærskimit attartorneqarsimasup - arfeq aporsimaneraa. Ilisimatuulli arfeq misissugassamik peersiffigaat, paasiniarlugu suminngaanneernersoq ajornanngippallu qanoq isilluni toqusimanersoq.
Umiarsuarmiittunit apuineq malugineqarsimanngilaq.