Oqarasuaatikkut siunnersuisarneq tapersersorpa
Tele-Post Paarisap oqarasuaatikkut siunnersuisarneranut tapersersuisunngortoq
Siunissami Tele-Postip ilisarnaataa aappaluttumik qorsummillu qalipaatilik Paarisap oqarasuaatikkut siunnersuisarfiinut Attavik 146-mut, Meeqqanut Inuusuttunullu Oqarasuaat 134-mut kiisalu Ilaqutariinnut Oqarasuaammut 314151-mut annoncini takuneqarsinnaalissaaq.
Tamatumunnga patsisaavoq Telepostip Paarisao oqarasuaatikkut siunnersuisarfiinut tapersersuisunngornera.
Atuisutut akiliutaasartumik (abonnement) akiliuteqartannginnissamik internettilu atorlugu nuussissummut Iserfimmut attaveqalernikkut Tele-Postip Paarisa tapersersorpaa.
- Oqarasuaatikkut siunnersuisarnitsinni tapersersorneqarnissamut qinnuteqaatitsinnut Tele-Postip akuersaarnera nuannaarutigeqaarput. Innutaasunut neqeroorummut pingaarutilimmut tapersersuineruvoq assut qujanartoq”, Paarisami siunnersorti Britta Nielsen Johansen oqarpoq.
Oqarasuaatikkut siunnersuisarfiit sap. ak. ullui tamakkerlugit nal. 1900-ip 21.00-illu akornanni attavigineqarsinnaasut tassaapput: Attavik 146, Meeqqanut inuusuttunullu oqarasuaat 134 kiisalu Ilaqutariinnut oqarasuaat 314151.
2011-imi Meeqqanut Inuusuttunullu Oqarasuaatikkut 136-it siunnersorneqarput. Ilaqutariinnut oqarasuaatikkut siunnersuisarfik 26-it siunnersorneqarput kiisalu Attavik 146-miit 234-it siunnersortissimapput.