Juaakap atuakkiaa siulleq saqqummilerpoq
Juaaka Lyberthip ukioqatigiiaat ilinniagaqarnissamik piumaffigineqartut siulliit oqaluttuarai, tamakku 60'ikkut naaneranni inuusuttuusut
Juaaka Lyberth perngaamik atuakkiaminik saqqummersitsilerpoq taaguusikkaminik Naleqqusseruttortut.
Tamanna juunip qulinganni pissaaq.
"Naak suli sila tarrajukkaluartoq ilinniartut ilaat Landshøvdingip illorsuata eqqaagut ammukartut takuai. Taakkumitaava suniartut?" Kingorna oqaluttuunneqarpoq ilinniartut akerliussutsimik takutitsillutik Nuummik kaajallaasimasut, Magasinet sanioqqullugu, Østerbro'kkoorlutik Radiohusi sanioqqullugu kaffibaari Aleqa sainioqqukkaat naak politiinit unitsitaareersimagaluarlutik.
Ukioq 1969'iuvoq. Paul Erik Uummannami aasarsioreerluni Nuummut realskolemut uteqqippoq. Naleeusseruttortut 1960'ikkunni Kalaallit Nunaanni inuusuttuuneq pillugu oqaluttualiaavoq, ernummateqarani inuuneq pillugu, asannilersoornerit asasamillu akuerineqannginneq kiisalu inuiaqatigiinni allanngoriartupiloortuni inuuneq pillugu allaaserisaalluni. Kisianni aamma meeraanermit atugarliutit eqqaaneqarput taamalu taamani angajoqqaanut atugassarititaasut taakkualu meeqqamik ajunngitsumik siunissaqarnissaannik kissaataat.
Juaaka Lyberth Uummannami inunngorpoq 1952, ukiorpassuanngortuni Kalaallit Nunaanni kulturimik aallussisuulluni, nammineq isiginnaartitsinerni nipilersortunilu peqataanermigut aammali kulturip illorsuinik ukiut 15'it - Katuamik Taseralimmillu ingerlatsinermigut. Kalaallit Nunaanni Namminersornerullutik Oqartussanit 2000 kulturimik nersornaasiuttakkamik tunineqarpoq aammalu Kodap Kalaallit Nunaanni immikkut nersornaasiuttagaanik 2009 nersornaaserneqarluni. Naleqqussaruttortut atuakkiaqqaatigaa.
Pilersaarutaavoq Naleqqusseruttortut 2013 danskisut saqqummersinneqarnissaa.