Maaji Peqqissuutiguk 2800'nit peqataaffigineqarpoq

Ukioq manna Maaji Peqqissuutiguk Tasiilami naammassivoq. Aaqqissuisut aaqqissuussinerit tamaasa peqataasut allattorsimavaat, nuannaarutigalugu saqqummiullugu ukioq manna Maaji Peqqissuutiguk aaqqissuussinernut 2800 peqataasimasut.

Atuarfimmi Inuit pinnguaataaniit aqqusinermi angallannermi ileqqussat sammineqarput, meeqqat Maaji Peqqissuutiguk pitsaasumik peqaasinneqarlutik. Pilersuisup naatsitat akiisa appartinnissaat qujanartumik isumagisimavaat taamaaliornikkut innuttaasut peqqinnarnerulaartumik maajimi atugaqarsinnaallutik.

Ukioq manna Maaji Peqqissuutiguk aallartikkatsigu siornarnit pitsaanerusumik angusaqarnissaq neriuutigaarput. Ukioq manna Kommuneqarfik Sermersuumit pitsaasumik tapiiffigineqarpugut, taamaaliornikkut atortut amigaatigut pisiarisinnaavagut. Aamma Islandimit naatsitat 390 kiilut pissarsiarinissaat iluatsipparput, arpannerit akornanni tunniussuunneqartartut. Tamanna soorunamiaasiit meeqqanit nuannaarutaavoq. Aqutsisoqatigiinni peqataasut tamarkik ukioq manna angusat assut nuannaarutigaat, soorunalumi unnuakkut arpatsitsinermi rekordi anguarput. Peqataasut 206'iugamik! Ukioq manna aamma kusanarluinnartunik tunissutissaqarpugut meeqqallu nuannisarluarput, ilaatigut unnuakkut arpannermut peqataaniassagamik ualikkut sinngusarsimasunut allaat, Patrick Abrahamsen Tasiilamit allappoq.

Ajoraluartumik ukioq manna qajartornissaq taamaatiinnarpoq siku suli aassimanngimmat. Aaqqissuisut maanna qasuerserput aasarli qaangiuppat aappaagumut suliniutit nutaat aallartinneqassapput, taamanikkussaru pissanganassaaq suut anguniarneqarumaassanersut.

- Suliniutip uuma siuariartornerata nuannernerpaartaraa aaqqissuussinerit maani pisariaqartinneqaqigamik ujartorneqarlutillu. Qamuuna nuannaajallannartuaannarpoq aaqqissuussinerni assigiinngitsuni peqataasut meeqqat qiimaqisut isigalugit, Patrick Abrahamsen oqarpoq.

Assit allallu soorunami uani takuneqarsinnaapput Gør Maj Sund i Tasiilaq