Maryp isikkivissaa aana

ILULISSAT: Kunngissap nulia pinngortitamit misigisassat nuannernersaat qilanaarisariaqarpaa.

Aqagu Ilulissanut tikissaaq, Kalaallit Nunaata illoqarfiisa annersaasa pingajuannut - takornarianit tikinneqarumanerpaaq ulluni makkunani allaanngilaq issittumit oqaluttualiamit assi.

Hotel Arcticimi akimarngit inaannit -kunngeqarfimmi hotelit pinnernerpaamik inissisimaffianni - Mary Ilulissat Kangerluannut isikkiveqassaaq nunarsuarmi sermersuarnik pilersuisut annersaat saallugu. Ullormut 20 millioner tons! Isiginnaagassaq sutigut tamatigut immikkoorluinnartoq amerlanernik nipangiinnarsitsisartoq, qularnanngitsumik aamma kunngissap nualiata Australiap seqerngata kissaqisup ataani perortup tupigusuutigillaqqussagaa.

Sermimit aakkaasut iluliarsuarujussuillu sermersuarmit aniatinneqartut kangerluk pinngorarfiat UNESCOs World Heritagemit eriagisassatut allattugaatit akornanniippoq.

Piffissami massumani seqineq kaaviinnarpoq. Sapaatit akunneri marlussuit kaaviinnarsimalluni. Ilulissat silagillaqqissorsuugami ulluni makkunani unnuat qaammasut nuannersorsuupput. Silaannaq aasarpalaarpoq. Inuit kavaajaqaratik qarleeraannaallutik angallapput.

- Qaatoruna sila taamaaginnarami, illoqarfimmi sumi tamani tusarsaavoq - kunngikkormiumik tikeraarteqarnissamut aqaguttoq.

Mary-fondenimut siulittaasuunertut kunngissap nulita Kalaallit Nunaannut tikeraarnera ingerlanneqassaaq. Ilatigut Saqqami meeqqanut paaqqinnittarfik aamma Ilulissani atuarfik pulaarneqassapput, tamaani qinngasaarisarneq akiorniarlugu "Kammagiitta"-mik suliniummik ingerlatsineq sumut killissimanersoq paasiniarneqassaaq. Mary aningaasaateqarfiata suliniut taanna ineriartortippaa.

Maryp malittaasa ilagaat Legomik piginnittoq Kjeld Kirk Christiansen, taassuma suliniut aningaasatigut tapersersorpaa. Illuatungaani uia kunngissaq Frederik Danmarkimiiginnassaaq. Naluneqanngilaq taassuma qangali Kalaallit Nunaat uummataarfigisimagaa, kisianni tamatumuuna kinguaaminik sisamanik paarsisuussalluni nunatsinnukaqataassaanngilaq.

Illuatungaani allat Marymik paarsissapput. Sillimaniarnermik suliaqartartut Københavnimut apuutereerput. Atorfilittat Københavnimit siulliullutik aallakaareerput illoqarfimmi aaqqissuisussat qanimut suleqatigalugit pilersaarusioriartorlutik.

Sermitsiag.AG ulluni aggersuni Mary' nunatsinniinnera qanimut malinnaaffigissavaa!