Johnny Henriksen Thailandimi toquvoq
Johnny Henriksen, Atassut sinnerlugu siornatigut folketingimut ilaasortap Ellen Kristensenip uia, Thailandimi toquvoq
Johnny Frode Peter B. Henriksen, "hættemågen"-itut ilisarisimaneqartoq aamma Atassut sinnerlugu folketingimut ilaasortaasimasup Ellen Kristensen uigisimasaa Thailandimi feriartarfimmi toqungasoq naammattoorneqarpoq.
Thailandimi illoqarfimmi Krabi'mi immap eqqaani toqungasoq naammattoorneqarpoq.
Ekstra Bladet sapaammi taama allappoq.
Johnny Henriksen angutaanaasartuunini isertuukkunnaarlugu Thailandimi taama inuuvoq. Ekstra Bladet ilaatigut allappoq Johnny Henriksen eqqissiviitsumik inooriaaseqartoq, inatsisit naapertorlugit tamatigut inuugani.
Ilaatigut nunatsinnit rubininik anngiortumik annissuineragaavoq tamakkua Thailandimi tuniniartarlugit, tusatsiakkat naapertorlugit, "inupiluuserniartartutut isikkulinnit" illersorneqarnissamut akiliinngikkuni unatagaanissamik sioorasaartissimavoq.
Nunanut allanut ministereqarfiup Borgerservice (innuttaasunik sullissiviat aaqq.) Ekstra Blademut ilumoornerarpaa maajip 30'anni danskisut innuttaassusilik toqungasoq Thailandimi nassaarineqarsimasoq.
Johnny Henriksenip anaanaraa siornatigut inatsisartunut ilaasortaasimasoq aamma ukiorpassuarni Atassummi ilaasortaq Loritha Henriksen. Tamatuma saniatigut Atassut sinnerlugu Folketingimut 1998'imi qinigaq Ellen Kristensen siornatigut nuliaraa.
eb.dk uaniippoq.