Nunat Avannarliit Killiit Kulturfestival
Septembarimi Nunat Avannarliit Killiit Reykjavikimi Kulturfestivalimik ingerlatsissapput
Reykjavikkimi Nordens Husimi tuniniaanermik pisortaq Helga Vidarsdottir Nuummiippoq, Reykjavikkimi ingerlataminnik oqaluttuariartorluni taamalu kulturimik aamma inuussutissarsiornermik ingerlatsisut peqataanissaannut qaaqqusiartuutigaluni.
- Kalaallit Nunaannit kulturimik ingerlatsisut sinnissaannik Islandimi peqateqarusuppugut, Helga Vidarsdottir oqarpoq.
- Pingaaruteqarpoq nunatta akornanni kulturimik ingerlatsinermi paarlaaseqatigiittarnissarput aamma Islandimi Kalaallit Nunaanni kulturimik ingerlatsisunit misigisartakkagut ikippallaarput.
Helga Vidarsdottirip neriuutigaa kalaallit inuussutissarsiortut peqataanissaat tunisassiaminnillu saqqummersitsinissaat. Taassuma ilisimatitsissutigaa ingerlatsiviit festivalimut peqataarusuttut tunisassiaat saqqumilaartinneqassasut.
Takorloorpaa kalaallit mersortarfiutaat aamma aalisakkanik tunisassiortut festivalimut peqataanissaat septembarip arfineq-aappaanniit qulingiluaannut. Pilersaarutigineqarpoq Nunat Avannarliit Killiit kulturfestivaliat ukiut tamaasa ingerlanneqartassasoq.
Vestnordiske Kulturfestival pillugu nassuiaanermi Inatsisartut siulittaasuat Josef Motzfeldt, Nunat Avannarliit Siunnersuisoqatigiivisa generalsekretæriat Reykjavikimi allaffeqarfeqartoq Thordur Thorarinasson kiisalu Nordens Husimi Reykjavikimiittumi suliamik ingerlatsisoq Ilmur Dögg Gisladottir petaapput.