CIA pillugu nalunaarusiaq piariingajalersoq
CIA'p Kalaallit Nunaat qulaallugu unioqqutitsillutik tigusanik timmisartuussisarsimaneranik nalunaarut marlunngornermi saqqummiunneqassaaq
Atorfilittat pissaaneqaqisut imaluunniit politikkerit USA'mik ikinngutinnersut CIA'p unioqqutitsilluni tigusanik ilaasoqarluni Kalaallit Nunaannut akunnittarsimaneranik isertuussisimappat?
Tamanna DIIS'imit nalunaarusiaq atualerutsigu paasinarsissaaq. Tamannami anguniarneqarpoq udenrigsminister Villy Søvndal aamma naalakkersuisut siulittaasuata Kuupik Kleistip siorna novembarimi isumaqatigiissutigimmassuk nunarput qulaallugu timmisartuussisarsimanerit imaluunniit nunatsinnut timmisartumik aqqusaarlutik ingerlaartarsimanerisa paasiniarneqarnissaat.
Dansk Institut for Internationale Studier, DIIS, marlunngornermi CIA'p Kalaallit Nunaat qulaallugu timmisartuussisarsimaneranik nalunaarusiaq saqqummissaaq.
Nittartakkap Wikileaks.org 2008'mi pasilliutigaa USA'p Københavnimi ambassadeata aamma Washingtonimi Det Hvide Husip akornanni paasissutissanik oqaloqatigiinnernillu ingerlatsisimanerat paasisimallugu, naalagaaffiillu Danmark aamma USA marloqiusamik paasissutissiisarsimanerinik pasinartoqarnerarlug
WikiLeaksip pissarsiarisimavai amerikkarmiut nunanut allanut aallartitaqarfiannit nalunaarutaat, taakkua aallaavigalugit kalaallit puimasarilerpaat kikkunnulluunniit attuumassuteqanngitsunit CIA'p Kalaallit Nunaata silaannartaani unioqqutitsisumik tigusanik ilaasoqarluni timmisartuussisoqartarsimanerit misissuiffigineqarnissaat, DIIS allappoq.
- DIIS'ip misissortussaavai USA aamma Danmarkip akornanni pasilliutit pillugit 2008 isumaqatigiittoqarsimanersoq. Tamatuma saniatigut DIIS piumaffigineqarsimavoq nunat pineqartut ministeriisa nalunaarutaat 23. oktober 2008'meersup, CIA'p isertortumik kalaallit, danskit aamma savalimmiut silaannaani timmisartuussisoqartarsimaneeq pillugu nalunaarut eqqortuunnersoq.
Nalunaarut danskisut kalaallisullu saqqummissaaq.