Sverige ajugaavoq - Danmark iluatsitsinngilaq

Sverige ukioq manna Det Europæiske Melodi Grand Prix'imi ajugaarujussuarpoq. Danmark ajornikut ilaannut inissippoq

21-nik erinarsortartoq Soluna Samay ukioq manna Melodi Grand Prix ingerlanneqarmat ajorsarnerpaanut ilaavoq. Assi: Ritzau/René Schütze/POLFOTO/Arkiv

Arfininngornermi Det Europæiske Melodi Grand Prix Aserbajdsjan'imi Bakumi ingerlanneqarmat pissanganeq erniinnaq tammarpoq. Svenski ajugaasussatut naatsorsuutigisaasup Loreen, atugaa "Euphoria" kisitsinerit aallartiinnartulli taaneqarluarsimanera ersippoq sulilu kisitsisit takkussuutissaqqaartut svenskit kingumut ajugaanissaat qularnarunnaarluni.

Grand prixi Danmarkimut pakatsinaqaaq. Soluna Samay'ip erinarsorgaa "Should've Known Better" 21 pointinnalluni ajorsarnerpaat akornannut inissippoq.

Ingerlallualaavikkaluarpoq erinarsorluaqaluni taasinerilli naatsorsorneqalermata erniinnaq qularnarunnaarpoq ajugaasussat akornannut pinavianngitsoq.

- Unnuk manna inuunera tamaat utaqqinikuuara maani peqataaneq nuannerluinnarpoq. Puigugassarinngisannik misigisaqarpunga, Sulona Samay Europamit nunanit tamalaanit taasinerit siarngutigineqalinngitsut oqarpoq.

"Should've Known Better", erinniorlutillu taalliortuupput Chief 1, Remee aamma Isam B., Islandimit pointinik tallimanik, Norgemit pointinik marlunnik, Estlandimit pointinik marlunnik, Finland pointinik tallimanik kiisalu Tysklandimit pointinik tallimanik tunineqarpoq.

Danmark det internationale melodi grand prix'imi marloriarluni ajugaasuunikuuvoq. Siullermik 1963, Jørgen og Grethe Ingmann "Dansevise" atorlugu ajugaammata, aappassaanik 2000'mi, Brødrene Olsen "Fly On The Wings Of Love" atorlugu ajugaammata.

Danmarkip ukiut qaangiuttut qulit det internationale grand prix'imi inissittarneri:

2012 - normu 23 - Soluna Samay med "Should've Known Better"
2011 - normu 5 - A Friend in London med "New Tomorrow".

2010 - normu 4 - Chanée & N'Evergreen med "In A Moment Like This".

2009 - normu 13 - Brinck med "Believe Again".

2008 - normu 15 - Simon Mathew med "All Night Long".

2007 - Semifinalimi anisitaapput - DQ (Peter Andersen) med "Drama Queen".
2006 - normu 18 - Sidsel Ben Semmane med "Twist of love".

2005 - normu 9 - Jakob Sveistrup med "Talking to you".

2004 - Semifinalimi anisitaapput - Tomas Thordarson med "Shame on you".
2003 - Danmark peqataanngilaq

Powered by Labrador CMS