Nuummi Champions League toqqaannartoq

Greenland Television arfininngornermi ulapipput signali Nuummut apuussinnaatikkumallugu. Kiisami iluatsippaat tamannalu nalliussineqassaaq Chelsea aamma Bayern München Champions League-finalimi unamminerat Nuummi timersortarfissuarmi toqqaannartumik nal. 16.45 takutinneratigut. Inunnut 70'iut inissaqarpoq.

- Erseqqissaatigaarput aallakaatitsinissaq misiligutaammat taamaammat ilaatigut ersikkunnaartarsinnaavoq GTV'mi siulersuisunut ilaasortaq Inga Dora Gudmundsdottir Markussen, Sermitsiaq.AG'mut oqarpoq.