Kuannersuit Kinamut nallersuussinnaavoq
Kalaallit Nunaata saffiugassanik qaqutigoortunik 40.000 tonsinik tunisassiortarsinnaanera misissuinernit takutinneqarpoq - Kina ukiumut 100.000 tonsit missaannik tunisassiortarpoq
Annonse
Greenland Minerals & Energy Kuannersuarni misissueqqaarinerminik naammassinneqqammerpoq. Paasinarsivoq Kuannersuani aatsitassarsiorfik saffiugassanik qaqutigoortunik ukiumut 40.000 tonsinik tunisassiorsinnaasoq. Taakkua Kinami ukiumut tunisassiarineqartartut 100.000 tonsit missaanniittut affaasa missigaat.
Taama Ingeniøren allappoq, oqariartaaserlu una atorlugu: nunarsuarmi aatsitassat piumaneqarnerpaartaasa ilaannik pisuussuterpassuaatilik.
Australiamiut aatsitassarsioqatigiiffiat GME, Greenland Minerals & Energy, Kuannersuarni saffiugassanik qaqutigoortunik uranimillu qalluinissamut tunngavissanik misissuinermut 400 millioner koruunit sinnerlugit aningaasaliissuteqarsimavoq.