Uuliasiorfiit ukiamut qilleriniarput
Namminersorlutik oqartussat akuersissappata Shell ukiamut Baffinip kangerliumarngani qillerilereerniarpoq
Naak Cairn Energyp milliardilikkaat nunatta imartaani uuliasiornermut atoraluarlugit Skotlandimiut uuliasioqatigiiffiat nikalloqqajasimanngilaq.
Tamanna tusagassiuutitigut nalunaarummi nutaami erserpoq, ilaatigut allassimalluni Shell Conoco, GdF, Maersk Shellilu sinnerlugit ukioq manna ukiup affaani kingullermi Baffinip kangerliumarngani nammineerluni qilleriniartoq - namminersorlutik oqartussat akuersissappata.
800 meterinik ititigisumi minnerpaamik quleriarlutik qillerissapput tassani "paasissutissat naleqarluartut" pissarsiarineqassallutik, Cairn allappoq.
Læs også "Cairn sælger andel til Statoil"
Skotlandimiut naatsorsuutigaat Baffinip kangerliumarngani Pitumi 3D-mik sajuppillatsitsisarlutik misissuinerminni paasissutissat aasap ingerlanerani naammassissasut. Tassani paasiniaanermi teknikkikkullu naliliinermi angusat ingerlariaqqinnissamut tunngaviussapput.