Perorsaaneq qaffassarneqarpoq
Ilisimatusarfimmi Ilinniarnermik ilisimatusarfimmi nalinginnaasumik perorsaanermi qaffasissumik ilinniarlutik ilinniartut tallimat allagartartaarput
- Ilinniarlutik naammasserlaat ilisimasaqarlualerput nunatsinni inuiaqatigiinni kulturikkullu ineriartornermik, peorsaasiaatsinik nutaanik, perorsaasunik meeqqerivinnilu aqitsisunik coachingimik minnerunngitsumillu qaffasissumik pitsaassusilimmik sulisinnaalerlutik kiisalu meeqqerivinni perorsaanikkut antropoligiimik misissuisinnaalerlutik. Taamaalillutik nunatsinni meeqqerivinni ineriartortitseqqinnissamut pisariaqartumut sakkussaminnik pissarsipput qaffasissumik ilinniakkatik aqqutigalugit. Ilinniarlutik naammasserlaat aamma perorsaasunik aqutsisunillu ilitsersuinissaq sungiusarpaat.
Taama ilinniarnermik aqutsisoq Aviâja Egede Lynge aamma Dorthe Korneliussen Ilisimatusarfimmi Ilinniarnermut ilisimatusarfimmi pisortaq oqaluttuarput.
Aamma oqaatigaat qaffasissumik ilinniarneq aqqutigalugu perorsaasutut ilinniarsimasut periarfissaqartut misissuinermik tunngaveqartumik ilinniaqqinnissaminnut taamaalillutik Meeqqerivitsialaap ineriartorteqqinnissaannut piginnaasaqalerlutik.
Ukiamut perorsaasunut qaffasissumik ilinniaqqinneq aallateqqinneqassaaq 30-nik ilinniartoqartussaq.