Tusaamasanngortussamaatit 10.000-inik akissarsisinneqartut
Atuartut musicalimut Sangens Kraft/Inngernerup pissaaneranut tunuliaqutaasut ullumi checkimik 10.000 koruuninik aningaasartalimmik akissarsisinneqarmata qungujulasunnguaqarlunilu tulluusimaartunnguaqarpoq
Oqaluttarfimmut qaqilluni qujassuteqarluni oqalugiarsinnaassagaanni sapiissuseqartariaqarpoq. Pingaartumik 5. klassiinnarmi atuartuugaanni. Nuummi Qinngorpumi Atuarfik Hans Lyngemi atuartut ullumi "Hans Lyngep nersornaasiuttagaanik" akissarsisinneqaramik taamaaliorput.
Ataqqinaat 10.000 koruuninik aningaasartalimmik checkitaqarpoq, taakkulu aningaasaateqarfik sinnerlugu Hans Lyngep erneranit, Niels Henrik Lyngemit, tunniunneqarput, taassumalu periarfissaq iluatsillugu ataatani atuakkiortoq tusaamasaq isumassarsinartumik oqalugiaatigaa.
Akullerni atuartut pingasut tulleriiaallutik qujassuteqarlutik oqalugiarput. Kalaallisut, tuluttut qallunaatullu.
Se mange billeder fra den flotte skolemusical her
Aviana 5.A-meersoq musicalip suliarinera pillugu ilaatigut ima oqarpoq:
- Sakkortusimavoq, nuannerlunili, aamma Kalaallit Nunaat qanganisaasoq ilikkagaqarfigaarput. Atuartut peqataasut sinnerlugu 10.000 koruuninut qujanarujussuaq. Ilinniartitsisut ikiuulluarnerinut aamma qutsavigerusuppavut.
Nadia - taamatuttaaq 5.A-meersoq - neriorsuivoq 10.000 koruunit isumatuumik atorneqassasut.
- Assersuutigalugu atuagaateqarfitsinnut atuakkanik pisinermut, ilaatigut oqarpoq.