Aatsitassalerinermik ilinniarfiup kujataa tikeraarpaa
Aatsitassalerinermik ilinniarfik uani sapaatip akunnerani Nanortalimmi, Qaqortumi Narsamilu kajumissaaraluni angalavoq
Aatsitassat pillugit ilinniarfimmeersoq Hans Hinrichsen ulluni makkunani aatsitassat avataanilu uuliasiornerit pillugit pikkorissartitsisarnissat ilinniaqqinnissamullu periarfissat pillugit paasisitsiniaajartorluni Kujataaniippoq.
Tassungalu atatillugu sapaatit akunnerani uani siusinnerusukkut Nanortalimmi Qaqortumilu innuttaasunik ataatsimiisitsisoqarpoq. Unnugu Narsami Piareersarfimmi innuttaasunik ataatsimiisitsisoqassaaq, arfineq marluniit qulingiluanut - arfineq sisamanut.
Læs også "Råstofskolen opruster på offshore-området"
Inuutissarsiornermut suliffeqarnermullu ataatsimiititaliami siulittaasup Kalistat Lundip tikeraartoqarnera nuannaarutigaa.
- Ineriartortitsinissamut Kujataani aatsitassarsiorneq pingaaruteqartorujussuusvoq. Taamaammat sulisinnaasunik pikkorissartitsisarnissaq illoqarfigisami suliffissaqartitsinissaq taamatuttaaq immikkkoortortaqarfimmi aatsitassarsiorsinnaanissamut piareeqqanissaq pingaartittorujussuuarput. Taamaammat ilinniarfiit, tuluit oqaasii eqqarsaatigalugit Oqaatsinik pikkorissarfik taamatuttaaq Aatsitassat pillugit Ilinniarfimmi suliamut tunngassuteqartut pillugit pikkorissartitsiuarnissaq siunertaralugu, akornatsinni suleqatigiinnerup pitsaasup naammaginartullu ingerlatiinnarneqarnissaa pingaartittorujussuuarput, Kalistat Lund oqarpoq.