"Inuk" kusanarluinnartumik ilassineqarpoq
Inuit 1200 Nuummi filmi aliikkutassiaq "Inuk" takoreerpaat
Filmi "Inuk" iluarsaateqqitaq pitsanngorsagarlu tallimanngornermi unnukkut Nuummi takuteqqaarneqarpoq manna tikillugu kulturikkut illorsuarmut Katuamut inuit 1200 isiginnaariareerpaat.
- Inuit filmimik isiginnaareerlutik aniagamik misigisartik puigorallassanngikkunarpaat. Isiginnaariat ilaat oqarput isiginnaarnermik nalaanni qiiaammisarlutik. Allat misigissutsitik nassuiaruminaatsippaat, kisianni nuannersumik misigisimanerarlutik. Alla oqaluttuarpoq filmi nuannaarutigalugu aamma kalaaliunini tulluussimaarutigalugu, Bill Bering, Katuaq Bio'mik ingerlatsisoq oqarpoq.
Taanna oqaluttuarpoq filmiliortut nuannaarutigisorujussuugaat filmi kiisami Kalaallit Nunaannut pitsanngorsagaalluni tikimmat.
"Inuk" Katuami takuneqarsinnaavoq maajip 31'at tikillugu. Kingorna filmiliortut Sisimiut aamma Ilulissat ornissavaat tamaani filmi takutinneqassammat.
- Sisimiut 16. - 21. maj (nal. 19.30 unnuit tamaasa)
- Ilulissat 19. maj (nal. 19.00 unnuit tamaasa)