Misilitsinneq: Tusagassiortunngorsinnaavit?

Marsip aallaqqaataa nunatsinni imaluunniit Danmarkimi tusagassiornermik ilinniarfimmut qinnuteqaat tunniunneqareersimassaaq. Siornatut pisoqassappat Tusagassiornermik Ilinniarfik ilinniarfissat soqutigineqarnerpaat ilaannut ilaassaaq.

Tusagassiornermik ilinniakkamik aallartitserusuttut kingulliit misilitsissamalerput.

Qinnuteqartut ilinniakkamik aallartitsinnginnerminni misilitsinnerit arlallit aqqusaaqqaassavaat piginnaasaat nalilerniarlugit. Ilaatigut ilisimasanik ingerlaannartumik ikiorteqaranilu immersugassaq minutsini 45'ni immersorneqassaaq. Misilitsinneq taanna misilitsinnerillumi allat ajunngitsumik ingerlappata toqqakkat ilinniakkamik ukiut sisamaasa affaannik tusagassiortutut ilinniarneq aallartissinnaavaat.

Sungiusarusukkkuit imaluunniit tusagassiortunngorusuttut neriuuteqarluartut sunik misilitsissuteqarnersut alapernaaserusukkukkit, siorna misilitsissutaasoq alakkarsinnaavat.

UANI MISILITSIGIT! (Misilitsissinnaanngilatit kingullermik naammassisimagukku) Akissutit apeqqutit naammassigukkit pissarsiarisssavat. Sermitsiaq.AG kingusinnerusukkut akissutit pillugit nalilersuiumaarpoq.

Malugiuk misissuineq 100 procentimik allanut isertuunneqarmat. Akissutit kisiisa nalunaarsorpagut peqataasut nalunaarsornagit.

Peqataasut allat ataqqiniarlugit qinnuigaassi akissutit oqaaseqartarfimmi allaqqunagit.

Malugiuk misilitsissut 2011 februaarimeersuuvoq. Taamaattumik akissutit ilaat siornarnit allaanerupput. Taamaattumik akileruit februaarimi 2011 pissutsit tunngavigigit.

Iluatsitsilluarnissannik kissaappatsigit.