"Inuk" iluarsaateqqitaq takuteqqaarneqalerpoq

Aliikkutassiaralugu filmiliaq "Inuk" pitsanngorsagaq takuteqqaarneqarnissaa maanna qallilluinnarpoq.

Aqagu tallimanngornermi Nuummi kulturikkut illorsuaq Katuaq filmimik nersualaarneqaqisumik perngaamik takutitsiffiussaq.

Isiginnaariat aamma qaaqqusat filmimik isiginnaarsinnaapput ilitsersuisoq Mike Magidson, filmimimik allattoq Jean-Michel Huctin kiisalu filmimi pingaarnerulluni inuttaasoq Ole Jørgen Hammeken aammalu filmimi inuttaaqataasut allat ilagalugit.

Sapaammi nal. 20 Katuap inersuaaraani oqalugiartoqassaaq tassani filmiliornermik ingerlatsisut apeqqarissaarfigineqarsinnapput. Aaqqissuussineq taanna akeqanngilaq.

"Inuk" tusagassiivinnit malinnaaffigineqartorujussuuvoq nunat tamalaat filmiliornermi nersornaasiuttagaannik arlalinnik pissarsinikuulluni aatsaallu kalaallit filmiliaat taama nersorniarneqartigisoq malunnarpoq.

Ukiut marluk qaangiuttut filmi 20'nik nersornaatisivoq. Kingullermik filmi nersornaatisivoq Australiami Byron Bay Internationale Filmfestivalimit. Tamanna ukioq manna siusinnerusukkut pivoq.

"Inuk" Katuami takutinneqassaaq maajip 11-31 ilanngullugu. Uani allat takukkit.

Imaluunniit Inuk-traileri siulleq uani takuuk.

Filmi aamma takutinneqassaaq ukunani:

• Sisimiut maajip 16-21. (nal. 19.30 ullut tamaasa)
• Ilulissat maajip 19'ianit ? Inuk akuersissummik suli utaqqivoq.

Filmiliortut tamatigut peqataassapput.