Taamaattumik Imak'imit anisitaavoq
Ilinniartitsisut kattuffiata siulittaasua nassuiaavoq sooq Tasiilami atuarfiup pisortaa Jørn Holbech Imak'imit anisitaanersoq
- Qanorooqmi marsip 29-ani Jørn Holbech (Tasiiliami atuarfiup pisortaa) oqaaseqarpoq, isumaqatigiinngissuteqarnermi inatsisiliornissaq kisimi periarfissaasoq, naak Naalakkersuisut inatsisiliornissamik aqqutissamut suli isummersimanngikkaluartut. Taamaalilluni Jørn Holbech naalakkersuinermik suliallit akuliunnissamut qanoq isummernissaannut aqqutissiuusseqataavoq.
Taama ullumi tusagassiorfinnut Imakip siulittaasua, Sivso Dorph, allappoq.
AG ullumi saqqummerneranut atatillugu akissuteqarluni.
Aviisimi allaaserineqarpoq ilinniartitsisut peqatigiiffiata ataatsimiinnerminni iluminni aalajangersimagaat Jørn Holbech Imak'imit anisitaanissaaq.
Atuaruttaaq: "Imakimit anisitaq: Tupattorujussuuvunga"
- Kiffaanngissuseqarluni isumaqatiginninniarsinnaatitaaneq illersussavarput. Kalaallit Nunaata ILOp konventionia 98 aamma malissavaa, kiffaanngissuseqarluni isumaqatiginninniarsinnaatitaanermik aalajangersaasoq. Isumaqatiginninniarnermi qaqugukkulluunniit inatsisiliornissaq kisimi periarfissaalernavianngilaq. Isumaqatiginninniarnermi isumaqatigiissuteqarnissamut periarfissaqartuaannarpoq, taamaattumik Inatsisartut qaquguluunniit inatsisiliornikkut akuliutinngisaannassapput. Taamaaliornerit inuiaqatigiinni eqqissiviilliornermik toqqissisimannginnermillu pilersitsisarput, taamaattumik naalakkersuinermik suliallit isumaqatigiinniarnerit nalaanni akuliutinngisaannassapput, Sivso Dorph erseqqissaavoq.
Oqaluttuarpoq Imak'ip sinniisoqarfiata apriilip 21'anni aalajangiukkaa Jørn Holbech, anisitaasoq ilinniartitsisut kattuffiani aalajangersakkat uku tunngavigalugit:
Ӥ 5 Soraarsitsineq
Siulersuisoqarfik isumaqaruni ilaasortaq kattuffiup soqutigisaanut akornusersuisoq, ilaasortaajunnaarsissinnaavaat,…”
- Inatsisiliortoqarnissaanik siunnersuuteqarneq kattuffiup soqutigisaanut akornusersuineruvoq. Taamaattumik Jørn Holbechilaasortaajunnaarsitaavoq, Sivso Dorph nassuiaavoq.
Anisitaasup oqaluttuassartaa tamaat AG'mi sapaatip akunnerani uani saqqummersumi atuaruk.
Aviisi qarasaasiannut ivertitassaq uani pisiarisinnaavat: