Angut toqungasoq "Ukkusissani" naammattooraa
Sisorartartoq arfininngornermi ullup qeqqata siorna sisoraatinik angalaartilluni amiilaarnartumik naammattuuivoq. Ukkusissani inummik toqungasumik nassaarpoq
Tusarfiit marluk imminnut attuumassuteqanngitsut tamarmillu kinaassutsiminnik isertuusserusuttut Sermitsiaq.AG'mut oqaluttuarput, arfininngornermi ullup qeqqata siorna Ukkusissani qattorngit eqqaanni inuup toqungasup timaanik nassaartoqarsimasoq.
Timi sivisuumik nunamiissimatinneqarpoq nassaarineqartorlu kamippaqarsimanngilaq. Angutip timaa toqungasoq sisorartartumit Nuummi silagissuarmik nuannisarusulluni angalaarujoortumit nanineqarpoq, ammukariamik taaneqartartumit Ukkusissat tunorpiaaniittumi.
Timi toqungasoq tusarfigut naapertorlugit Sanaliaanneqarpoq Nuummi Dronning Ingridip Napparsimavissuanut, misissorneqassalluni.
Sermitsiaq.AG'p oqaluttuaq ilumoornersoq Nuummi politiinut saaffiginnissutigisaraluarpaa, politeeqarfimmili ulapinneq pissutigalugu suli akissutisigatik.