Toqungasup timaa taannaanngilaq

Lars Svendsen, Aalborgimi apriilip 15'ianni tammaaneqartumut ilaqutaasut tallimanngornermi unnukkut kalerrinneqaramik Limfjordenimi timimik toqungasumik nassaartoqarsimasoq annilaajallapput

Lars Svendsen, 28'nik ukiulik, apriilip 15'iata 16'iatalu akornanni unnuakkut Aalborgip illoqarfittaani takuneqarami suli takuneqaqqinngilaq. Assi: Facebook

Jyllandip qeqqata kitaatalu politiivi ippassaq unnukkut angut ipisimasoq Limfjordenimi nassaarineqartoq suli kinaassusersinngilaat, pigaartut ittuat Jens Claumarch ekstrabladet.dk'imut oqarput.

Jyllandip qeqqata kitaatalu politiivi ippassaq tallimanngornermi nal. 18.39 nalunaarfigineqarput Glyngøre Havnip avataani 10-20 meterit missani inuk toqungasoq takuneqarsinnaasoq. Tamatuma kingorna politiit angutit kinaassuserniaraluarpaat.

Taamaattoq politiit arfininngornermi paasivaat nassaarineqartoq tassaanngitsoq Lars Svendsen, apriilip 15'iannili ujaarisaasoq. Lars Svendsenip angissusaa kangerlummi nassaarineqartumut assingunngilaq. Lars Svendsen 175 centimeterit missaannik angitigaaq angullu nassaarineqartoq 190 centimeterinik angitigaluni.

Powered by Labrador CMS