Sapaatip akunneri sisamat tigummineqarallarlik

Danmarkip nalunaaqqutaa naapertorlugu nal. 18 arnamik Kalaallit Nunaanneersumik toqutsinermut atatillugu inuit marluk killisiorneqarnerat aallartippoq

Odensemi politiit inuit marluk arnamik kalaallimik 45'nik ukiulimmik toqutsinermut atatillugu sapaatip akunnerinik sisamani tigummineqarallarnissaat piumasaqarput. Arnaq 45'nik ukiullik Odensemi Rødegårdsvejimi tallimanngornermi ullakkut savimmik kapoorneqarluni toqunneqarpoq. Assi: Knud Fl. Larsen

Hanne Broberg

tallimann 04. maa 2012 15:10

Vicepolitiinspektør Henrik Justesen, Fyns Politi, Sermitsiaq.AG'mut oqaluttuarpoq, unnerluussisussaatitaasut arnamik 45'nik ukiulimmik Kalaallit Nunaanneersumik toqutsinermut atatillugu, inuit marluk sapaatip akunnerinik sisamanik tigummineqarallarnissaannik piumasaqaateqartut.

- Suli misissuivugut tigusaasullu marluk eqqartuussisumut sassartinneqarput. Naatsorsuutigaara killisiuineq nal. 20 tungaanut ingerlassasoq, Henrik Justesen oqarpoq.

Pineqartut tassaapput angut 31'nik ukiulik 45'nik ukiullip assammioqarfigisaa. Tamatuma saniatigut arnaq 35'nik ukiulik inissiameeqataasoq sapaatip akunnerini sisamani tigummineqarallassaaq.

Henrik Justesenip toqutsinermt suna pissutaasimanersoq oqaatiginngilaa.

Atuaruk Kalaaleq arnaq unnuaq toqutaavoq

aamma Toqutsinerup siorna assortuuterujussuarput