KL

DK

Ikummatissaq imerpalasoq akitsoqqippoq

2011 juuli qaammat ikummatissaq liiterimut 1,10 kr.'inik akitsorpoq. Maannakkut akitsoqqippoq

Assi: Leiff Josefsen
Paasissutissat: EOF. KNI A/S – Polaroil'imit suliareqqitat
Assi: Leiff Josefsen Leiff JosefsenPaasissutissat: EOF. KNI A/S – Polaroil'imit suliareqqitat Assi: Leiff Josefsen Leiff JosefsenPaasissutissat: EOF. KNI A/S – Polaroil'imit suliareqqitat Assi: Leiff Josefsen Leiff JosefsenPaasissutissat: EOF. KNI A/S – Polaroil'imit suliareqqitat
Nukappiaaluk Hansen

Nunarsuarmi ikummatissat imerpalasut akiisa qaffakkaluttuinnarnerat pissutigalugu KNI A/S - Polaroil 1. maj 2012 aallarnerfigalugu akit literimut 0,58 kr.-nik qaffattariaqalerpai.

Akit nutaat atuutilereerput.

Akinik qaffaaneq kingulleq pivoq 8. juli 2011, taamanikkut literimut 1,10 kr-nik qaffaasoqarmat.

Siorna aasaaneraniit maannamut nunarsuarmi uuliap akii qallunaat koruuninngorlugit literimut 60 øre miss. qaffassimapput, taamaalillunilu ikummatissap literimut akii 58 øre-mik qaffattariaqalerlutik:

Taamaalilluni Polaroil-ip atuisartunut 1. maj 2012 aallarnerfigalugu akigititai imaalerput:

  • Gasolie/diesel: 5,57 kr.-miit 6,15 kr. pr. liter, avatagiisinut akitsuut ilanngutereerlugu 10 øre/l.
  • Benzin: 5,57 kr.-miit 6,15 kr. pr. liter, avatagiisinut akitsuut ilanngutereerlugu10 øre/l.
  • Petroleum: 5,67 kr.-miit 6,25 kr. pr. liter, avatagiisinut akitsuut ilanngutereerlugu 10 øre/l.
  • Jet A-1: 5,49 kr.-miit 6,17 kr. pr. liter, avatagiisinut akitsuut ilanngutereerlugu 10 øre/l.

- Nunatsinni ikummatissap akii qaffakkaluartut taamaattoq Danmarkimi akit suli qaffasinnerupput, moms. CO2-mut nukissiuutinullu akitsuutit peereeraluarlugilluunniit, Peter Grønvold Samuelsen, KNI A/S – Polaroil, pisortaaneq nalunaaruteqarpoq.

Assitat aappaanni takussutissat takukkit.

nunatsinnit inuussutissarsiutit
Powered by Labrador CMS