Mittarfeqarfinnut akitsuutit nutaat aaku

Aqagu maajip aallaqqaataani Mittarfeqarfiit akigititaat nutaat atuutilissapput.

Allannguutit nassatarai nunap iluani angallattut akikinnerulaamik akiliuteqartassasut nunanulli allanut timmisartunillu attartortut akiliuteqarnerulaalernissaat akitsuutit isertitallu oqimaaqqatigiitinnerujumallugit.

Minnerunngitsumik isumannaallisaaneq, tassunga ilaallutik nassatanik misissuisarneq, Mittarfeqarfinnut akisoorujussuuvoq.

Nunatsinni angalanermut akitsuutit appasinnerit

Aqagu tikillugu nunatsinni silaannakkut angalasut 327,-kr.-nik akiliisarput, mittarfiit ingerlanneqarnerinut aammalu isumannaallisaanerup qaffasissuunissaata qulakkeernissaanut aningaasartuutit matussuserniarlugit. Siunissami ilaasunut akitsuut taanna 260 kr.-imut appassaaq.

- Silaannakkut angallanneq nunap ataqatigiissinnaassusianut pingaaruteqarpoq, taamaattumik nunap killeqarfiisa iluani timmisartunerup akikillinissaa qinersimavarput, Niels Grosen, Mittarfeqarfiit pisortarigallagaat, oqaluttuarpoq.

- Til gengæld må de udenrigsrejsende og de internationale operatører med mange charterflyvninger bære lidt mere af byrden. Derfor stiger passagerafgiften for udenrigsrejser fra 432 kroner til 561 kroner.

- Taassuma akerlianik angalasut nunanit allaneersut – aammalu timmisartunik attartuisartut nunanit tamalaaneersut – aningaasartuutit matuniarneranni nammaqataanerulissapput, Niels Grosen tikkuaavoq.

Aningaasartuutit isumannaallisaanerlu immikkut isiginiarneqarput

Isumannaallisaanermut aningaasartuutit – ilaasunut nassatanullu aningaasartuutit assigiimmik – qaffakkiartorput, minnerunngitsumik nunani tamalaani malittarisassat, Mittarfeqarfiit imaluunniit Kalaallit Nunaata iliuuseqarfigisinnaanngisai, pissutaallutik. Taamaattumik aningaasartuutit taakku Mittarfeqarfiit siunissami immikkoortiterlugit nalunaarsortalissavaat, taamaalilluni mittarfinnut akitsuutip annertussusia erseqqissumik takuneqarsinnaasunngorlugu: maannakkut Nunatsinni angalasunut 30 kr.-iuvoq angalasunullu nunanit tamalaaneersunut 180 kr.-iulluni.

- Isumannaallisaanermut aningaasartuutit eqqumaffigaavut,” Niels Grosen oqarpoq, ”taakkumi aningaasartuutitsinnit allanit qaffakkiartornersaapput.” Taanna oqarpoq Mittarfeqarfiit 2010-mi amigartooruteqanngingajassimasut – tassa 157.000,-kr.-nik amingartooruteqaramik – ilanngullugulu oqaatigaa 2012 Mittarfeqarfinnut unammillernartuussasoq

Nunatsinni takornarialerisunut nutaarsiassatsialak

Mittarfinnut akitsuutit nutaat takornarialerisunut nutaarsiassatsialannik ilaqarput:

”Takornarialerisunit kaammattorneqarnitsigut silaannakkut takornariartitsinermut immikkut akigititat – appasilluinnartut – atuutsilersimavavut”, Niels Grosen oqaluttuarpoq: ”Siunissami silaannakkut takornariartitsiniarluni tinginermut akitsuut, taamaallaat 100 koruuniulissaaq. Tamanna periarfissanik nutaarluinnarnik ammaassivoq, minnerunngitsumik Ilulissani Kangerlussuarmilu, sumiiffinni taakkunani taamatut misigisaqarnissaq soqutigineqarluarmat – aamma qularinngilara Kalaallit Nunaanni sumiiffiit allat, takornarianut neqeroorutissanik pissanganartunik ujartuiffiusut, tamanna soqutigissagaat”, taanna naggasiivoq.