Qimuttut silagissuup ataani qimupput
Sapaatip-akunnerisa naanerini kingullerni marlussunni Qimusseq Sisimiut qimussimik sukaniutsitsisaqattaarmat Sisimiuni qimuttut qimullualaavissorput
Qimusseq Sisimiut sapaatip-akunnerisa naanerini kingullerni marlussunni qimussimik sukkaniutsitsimmat meeqqat, arnat alupaallu sukkaniunnerminni silagissiorluavittarput.
Ippassaq arfininngornermi alupaat 27 kilometerinik isorartussusilimmut sukkaniummata qimussit 19-it peqataapput. Ajugaasut tassaapput Knud Mølgaard Belinda Olsenilu, Kristian aamma Laila Lundblad Marius aamma Severine Inûsugtok'-mit malisungarneqartoq.
Arfininngornermi apriilip 21-ani meeqqat qulit ukioqatigiiaani pingasuni unammipput. 8-11-nut ukiulinni ajugaavoq Hans Peter Jeremiassen.
12-15-inut ukiulinni Lars David Mølgaard ajugaavoq tullersortigalugu Suvakannguaq Kristensen.
0-7-inut ukiulinni ajugaapput Angutitsiaq Berthelsen, Enok Olsen Enoksen aamma Kimernaq Jeremiassen vandt klassen 0-7 år.
Sapaammi apriilip 22-ani arnaq aqqanillit unammipput, apuuttullu siulliit pingasut tassaallutik Aviaja Holm, Johanne Olsen aamma Mette Marie Kristensen.
Sukanniunnernit assigiinngitsut assilisat takukkit.