20 million koruunit RAL-p piginnittuinut
Royal Arctic Linep aatsaat taama angusarissaartiginerani umiarsuaatileqatigiit aningaasanik pissarsissapput. Siulersuisut tamarmik toqqagaaqqipput
Soorlu ullumikkut siusinnerusukkut Sermitsiaq.AG-mi allaaserigipput Royal Arctic Line A/S 2011-mi akileraareerluni 2011-mi 73 million koruuninik sinneqartoorpoq
Taamaattumik ukioq 2011 Royal Arctic Linemut pitsaalluinnartuusimasoq aamma ingerlatseqatigiiffiup missingersuusiorsimanerminit isertitaqarnerusimasoq Naalakkersuisut paasigamikku nuannaarutigivaat. Inuussutissarsiutitigut inissialiornertigullu suliaqarnerulernerup nassataanik Royal Arctic Line A/S ulapaarsimaqaaq.
Læs også "RAL slår årsresultat-rekord"
- Aamma Naalakkersuisut nuannaarutigalugu oqaatigissavaat, ingerlatseqatigiiffiup iluanaarutiminit 20 million koruunit piginnittumut tunniussimagai. Aningaasat taakkua ilaatigut siunissami qaninnerpaami nunatsinni aningaasaliissutissat annertuut ilaannut ikiuutaassapput, naalakkersuisup siulittaasuaniit taama allattoqarpoq.
RAL-p siulersuisui tamarmik qinigaaqqipput:
• Martha Labansen (siulittaasoq) - naalakkersuisut
• Kristian Frederik Lennert - naalakkersuisut
• Tanja Nielsen - naalakkersuisut
• Bent Østergaard - naalakkersuisut
• Ole Frie - naalakkersuisut
• Efraim Tittussen - sulisut
• Jens Peter Berthelsen - sulisut
• Marianne Ingrid Hansen - sulisut.