Inuusuttut isumaginninnikkut ajornartorsiutit eqqumaffigaat

Nunatsinni inuusuttut isumaginninnikkut ajornartorsiutit ilisimasaqarfigilluarpaat, ingammillu siusissupilussuakkut pujortartarneq, hashimik imigassamillu atuilertarneq eqqumaffigalugu, misissuinerup nutaap takutippaa

Foto: Nakuusa

Isumaginninnikkut ajornartorsiutit inuusuttut eqqumaffigisaat tassaanerupput siusissupilussuakkut pujortartarneq, hashimik imigassamillu atuilertarneq.

Kinguaassiutitigut atornerluineq, ernguttarnerit inupiluusertarnerit inuusuttut akornarnanni aamma eqqumaffigineqarput. Inuusuttut tarnimikkut ajornartorsiutaat annikittuinnarmik eqqumaffigineqarput.

SFI-mi nalunaarusiami nutaami Nakuusamut suliarineqartuni taama naliliisoqarpoq, tassaavorlu Unicef Danmarkip namminersorlutillu oqartussat ukiuni tallimani suleqatigiillutik suliniutaat.

Nalunaarusiaq aamma Nakuusa Youth Forumimi oktobarimi 2011-mi nunatsinni ingerlanneqartumi peqataasut 38-t 13-iniit 15-inut ukiullit akornanni immersuisitsilluni apeqqarissaarnermik tunngaveqarpoq.

Læs om Nakuusa Youth Forum her

Nalunaarusiap ”NAKUUSA – Piumavugut saperatalu” inuusuttuaqqat inuiaqatigiinni ajornartorsiutit pillugit ilisimasaat suullu qanoq iliuuseqarfigineqartariaqarnersut tunngavigalugit allagaavoq.
Misissuinerup takutippaa inuusuttut ajornartorsiutit oqaluuserinissaat ajornartikkaat. Qaqutiguinnarli oqaluuserinaqartarlutik. Naak niviarsiaqqat nukappiaqqaniit amerlanerussuteqartut ajornartorsiutinik oqaluuserinninnerusaraluartut niviarsiaqqat nukappiaqqallu tamarmik isumaqarput ajornatorsiutit oqaluuseriuminaattut.
Aaqqussutissat amigaataapput
Inuusuttuaqqat tamangajammik isumaqarput angajoqqaat akisussaaffimmik annertuumik paarinnittut ajornartorsiutit aaqinneqarnissaannut. Kisianni qanoq iliortoqarsinnaaneranik ersersitsinngillat. Amerlanerit isumaqarput sukataarnissaq pingaaruteqartoq imerpallaannginnissaq anguniarlugu. Kisianni ersersitsinngillat qanoq sukataartoqassanersoq imigassanik imernerujussuaq annertuumik killilissagaanni.

- NAKUUSA-p sulinermini samminerusariaqassuaa qanoq iliortoqarsinnaanersoq suna ajunnginnersoq ajornersorluunniimmut apeqqutit tunngasut qimalaarlugit”,
Else Christensen, ilisimatooq nalunaarummik sanisimasoq taamak oqarpoq.

Københavnimi saqqummersinneqassaaq
Nalunaarusiaq Københavnimi Kalaallit Illuutaani maajip 2-ani nal. 16.30 saqqummiunneqassaaq, kikkullu peqataassanersut uani atuarsinnaavat.

NAKUUSA ilaqutariinnermut, ilageeqarnermut, kultureqarnermut naligiissitaanermullu naalakkersuisoqarfimmi ingerlanneqarpoq.

Powered by Labrador CMS