Ulluni 41-ni tammaaneqarpoq
25-nik ukiulik Søren Sørensen Maniitsumeersoq marsip 14-anili periarfeeruppoq
Søren Sørensen pingasunngormat marip 14-ani angerlarsimaffimminit nikallungalluni anivoq kignronalu takuneqaqqinnani.
Maniitsumi politiit apriilip 10-ani nalunaarfigineqarput, Søren Sørensenip periarfeerunnerata kingorna ullut 27-t qaangiummata. Tamanna ilaqutaannit nassuiarneqarpoq siusinnerusukkut piffissami sivisuumi periarfeeruttarsimasoq.
Politiit erngerlutik ujaasinerput.
- Søren Sørensenip ikinngutai ilaqutaalu oqaloqatigisimavagut periarfeerutinnginnermini sumiissimanersoq paasiniarlugu. ;aannakkut Maniitsup eqqaa qamuteralannik ujaasiffigaavut illuaqqallu illoqarfiup eqqaaniittut tamaasa misissorlugit.
Taama Maniitsumi politiini ulluinnarni aqutsisoq Niels Tønnesen Sermitsiaq.AG-mut nassuiaavoq.
Søren Sørensen kingullermik marsip 14-ani Brugseneqqap eqqaani takuneqarpoq kimmut pisuttoq.
Maniitsumi politiit attaveqarfigineqarsinnaapput oqarasuaat 81 32 22 atorlugu.