Kiiu Københavnimi saqqummersitsivoq
Georg Olsenip ullumi Københavnimi Kalaallit Illuutaani kisimiilluni saqqummersitsinini ammassavaa, juunip 8-ata tungaanut ingerlasussaq
Georg Olsen Kiiu ulluni makkunani nunatsinni eqqumiitsuliornikkut suliani tamaasa iperarallarlugit qalipakkaminik kisimiilluni saqqummersitsissaaq taaguuteqartumik ”Worlds Sleeping Dilemma – Silarsuup Sinimmini Akunnattuunnganera”. Tamanna pissaaq ullumi marlunngornermi ualikkut pingasut tallimallu akornanni Københavnimi Kalaallit Illuutaani.
Georg Olsen Kiiu angutaavoq tamatiigoortoq, meeqqat atuarfianeereerluni Nuummi eqqumiitsuliornermik ilinniarfinni assilissanik eqqumiitsuliornermik ilinniarsimasoq ilaatigullu aamma Vejlemi Kulturfabrikkenimi.
Pikkoriffippassuaqarpoq
- Kiiulli assilialiorneq taamaallaat samminngilaa. Aamma taalliortarlunilu eriniartorpoq, Randi Broberg nipilersoqataalu "Liima Inui" peqataaffigalugit. Nipilersoqatigiit nunatsinni, Islandimi Canadamilu nuannarineqarluarput minnerunngitsumik Kalaallit Nunaat Tivolimi aasaanerani 2009-mi Plæneneimi nipilersoramik, tusagassiuutitigut nalunaarummi allassimavoq.
Nipilersornermut atatillugu 2007-mi nunatsinni erinniullammattut KODA Awardsimik nersornaaserneqarpoq.
- Kiiu kulturikkut tamakkiisumik sulisutut taanneqarsinnaavoq. Aasianni ornittakkami illersukkami pisortaasimavoq, KNR-imi meeqqanut inuusuttunullu immikkoortortaqarfimmi programsekretæriulluni, Aasianni kultureqarnermut immikkoortortami pisortalaluni, aamma 2003-miit 2006-imut IA sinnerlugu Inatsiartunut ilaasortaalluni, nunatsinni Kiiup kulturikkut naalakkersuinikkullu suliaasa ilaat taagussagaanni.
Maannakkut eqqumiitsuliornikkut sulinermi saniatigut marluliaqatini Nikku peqatigaluguKommuneqarfik Sermersuumi multimedie-værkstedemi aqutsisutut sulivoq.
Georg Olsen Kiiu januaarip 2-ani 1974-mi Qeqertarsuarmi inunngorpoq.
Hans udstilling kan ses frem til fredag den 8. juni på alle ugens hverdage.