Nordatlantisk Hus ingerlalluarpoq
Pingasunngormat Nordatlantisk Husip illumillu sananissamik ajugaasut akornanni isumaqatigiissut atsiorneqarpoq
Eqit paffa Odensemi Nordatlantisk Husimi siulersuisut Hans Jørgensen & Søn A/S-imi pisortaq Lars Friis Christensen peqatigalugu Nordatlantisk Husip sananissaanut isumaqitigiissut atsiorneqarmat.
Atsiornerit pingaarutillit atsiorneqarput illoqarfiup kultureqarnikkullu rådmandip Steen Møllerip Odensemi illussaarsuarmi allaffiani. Steen Møller Nordatlantisk Husip siulersuisuini siulittaasuuvoq.
Nordatlantisk Husip sananeqarnissaanit atsiornerup saniatigut Kristiansdal Boligselskabimi pisortap Erik Thomsenip inuusuttunut inissianik 25-nik Nordatlandisk Husimut atasussanik sananissaq atsiorpaa.
Nordatlantisk Hus kalaallit, savalimmiormiut Islandimiulu kultureqarnikkut eqqumiitsuliornikkullu suliaannut tamanut atussaaq. Illu aamma neriniartarfeqarlunilu niuertarfeqassaaq atlantikup avanaaneersunik, taamaalilluni aamma Odensemi Kalaallit Illuutaat Hunderupvej 61-imit ukiuni 30-ni angerlarsimaffigisimasaminit Nordatlantisk Husimut nuussalluni.
Se billeder i "Nordatlantisk Hus afsløret"
Læs også "Store muligheder i Odense"
2013-mi naammassissaaq
Nordatlantisk Husimut atatillugu unammistsineq februaarip 3-ani aalajangiivigineqarpoq Fynimi entreprenørit Hans Jørgensen & Søn A/S ajugaasuulluni Ingeniørfirmaet Grontmij & Carl Bro illussanillu titartaasartut Cornelius+Vöge, Isager Arkitekter Aps. aamma Masu Planning peqatigalugit.
Ippassaq atsiornermi malunnartinniarneqarpoq ajugaasut Nordatlantisk Husip sananissaanik aallartissinnaasut. Aasap naajartulernerani sanaartorneq aallartinneqassaaq, Nordatlantisk Hus ukiakkut 2013-mi naammassissalluni.
Nordatlantisk Hus atlantikup avannaani nunanit sunnerneqassaaq, soorlu illu sukaqassalluni, tassani takutinniarneqarluni atlantikup avannaani qaarsumi illuliortarneq. Illorsuaq 3.000 kvadratmeterinit anginerusussaq Byens Ø-å teqeqquaniissaaq immap eqqaani, tassani illu siullersaalluni sananeqassalluni.
Piviusut:
Sanaartortitsisut:
Fonden Nordatlantisk Hus
Kristiansdal Boligforening
Aningaasaliisut: Odense Kommune aamma Odensemi Kalaallit Illuutaat
Sanasussat:
Totalentreprenør: Hans Jørgensen & Søn A/S
Ingeniør: Grontmij, Carl Bro
Illussani titartaasartut: Cornelius+Vöge, Isager Arkitekter Aps. aamma Masu Planning.
Sanaartornermi siunenrsuisut: Niras a/s