Ilinniartoq: Kalaallit Nunaat neriuutissaqanngila?

- Nunatta namminersulersinnaanera piviusunngorsinnaasutut eqqartorneqaneraangat imaannikkut tupaallattarpunga.

- Tamanna assigiinngitsorpassuarnik isummersorfigineqartarpoq. Isummiussat ilarpassui ingasattajaartuunngillat, ilaatigullu isumaqartoqarluni siunissami namminersulersinnaasugut, tamannalu anguniarneqartariaqartoq. Aamma isumaqartoqarsinnaavoq taamatut neriunneq piviusuusoq nunarput nammineq aningaasalersorsinnaalerpat, uulia gassiluunniit immaqa aqqutigalugit. Isummersuutit ilaat aamma ingasattajaarnerupput. Namminiilivinnissamik oqallinneq imaaliallaannaq akuliuffissaanngilaq.

Taama aallanniilluni Aviaja Lyberth Hauptmann bloggimini allappoq.

- Killeqanngitsumik takorluuiguit nuna 56.000-inik avinngarussimaqisunik inoqartoq tikikkuminaaqisoq angeqisorlu taamalu nutaatigisumik tamat naalakkersueqataaffiannik ingerlatsiffiusoq namminiilivissinnaagami? Nuna suli nunarsuarmioqatigiinni paarngussinnaalersimanngitsorluunniit.

Suliniuterpassuit qatangiinnartarput
- Immaqa taamatut killeqanngitsumik takorluuineq misilinneqanngisaannassaaq. Ullumikkummi nunarput pillugu annertuumik oqallittoqaraluartoq ingammik Ingerniørit nittartagaanni, taava oqalligisineqartut ilarpassui oqaasiinnaasarput.

- Tupinnaannartumik nunatsinni suliniuterpassuit qatangiinnartarput, angisuujugunik mikinerugunilluunniit, Aviaja Lyberth Hauptmann allappoq.

Kæbenhavnip Ilisimatusarfiani biologimik ilinniartuuvoq bloggiminilu allatattarluni "ilisimatuut akornanni qangatuut sulinermi nutaqqatut inuuneq, biologi bioteknologi, ilinniartuuneq tappiorannattullu pillugit allattarluni, taamaalilluni inuuneq oqinnerulerluni".

Læs hele Aviaja Lyberth Hauptmanns blogindlæg her.

Allaaserisai qanoq isumaqarfigaagit? Isumaqataavit? Isumaqataanngilatit? Imaluunniit...?