Issittumi Sakkutooqarfik Nuummi angerlarsimaffeqalissaaq
Sakkutuut sakkutuujunngitsullu sulisut 36-t Royal Greenlandip qullersaqarfigismasaanut isertissapput
Nuummi Issittumi Sakkutooqarfiup sumiinnissaa aalajangerneqarpoq.
Sakkutooqarfik nutaaq novembarip 1-ani Aalisartut Aqqutaanut 47-mut Royal Greenlandip qullerneqarfigisimasaanut nutsissaaq aggustillu aallaqqaataani isertertoqaleriissaaq, illuutimmi annikitsumik nutartertariaqarput.
Nuummi umiarsualiviup eqqaani illuutit annermik allaffittut atorneqassapput, aammali nutaamik imaani annaassiniarnermut qitiussiqarfiussalluti kiisalu sakkutooqarfiup umiarsuaanik, timmisartuinik qimussertartuinillu Siriusimik attaveqarnermut nutaamik radioqarfinngussalluni.
Sulisunut sakkutuunut sakkutuujunngitsunullu 36-nut illu ulluinnarni suliffiussaaq.
Illersornissaq pillugu isumaqatigiissut
Issittumi Sakkutooqarfiup pilersinnera llersornissaq pillugu isumaqatigiissutip nutaap 2014-ip tungaanut atuuttussap ilagaa.
Suliniut taanna nalunaarsuamik ”Rapport vedrørende fremtidig placering af Værnsfælles Arktisk Kommando” maajip 19-ani 2011-mi saqqummertumik tunngaveqarpoq, nunatsinni, savalimmiunit qallunaanillu inuttaqartumik suleqatigiissitanit suliallunni.
Nalunaarusiaq kingorna Folketingimi akuerineqarpoq. Kangilinnguani aamma Savalimmiuni sakkutooqarfiit taamaasillutik matuneqassapput, "Værnfælles Arktisk Kommando"-millu taallugu Nuummi aqutsisoqarfeqalissalluni, Tórshavnimi minnerusumik taamaallaat allaffeqarfeqalissalluni.