Nanortalimmi uuliakoorneq
Nukissiorfiit ualimut nalunaarutigaa Nanortaliup imartaani uuliakoortoqartoq
Nanortalimmi innaallagissiorfiup tankstationillu akornanni uuliakoortoqarsimanera ilisimaneqalersimavoq. Anorip tungaanut uuliasunni naammaneqarsinnaavoq.
Taama ualimut nalunaarpoq Ole Aggo Markussen, Nukissiorfiit.
Nanortalimmi Nukissiorfiit tankstationimiit ullaaq ilisimatinneqarsimapput, nalilerneqarporlu uuliakoorfik maanna 10 x 20 meterinik angissuseqartoq.
Siullermik uuliakoortoqalaarsimaneranik paasisaqartoqarpoq sapaatip akunnerata ataatsip matuma siorna. Taamaalinerani sioqqanik milluaat qanittumi talittarfimmi inissisimasimavoq, ilimagineqarsimavorlu milluaat uuliakuulaarsimassasoq.
Nunap qaavatigut kuuttoqarsinnaaneranik malussartoqarsimanngilaq. Taamaattumik maanna misissorneqarpoq uuliap aqqutai nunamut matuukkat aallaaviusinnaanersut. Erseqqissarneqassaaq sumit uuliakoortoqarnera suli paasineqarsimanngimmat.
Qatserisartut Politiillu ilisimatinneqareerput.
Paasisaqarnerugutta Nukissiorfiit pisoq uterfigiumaarpaat.
Uuliakoornerup maanna isorartussusaanik missingersuut ilanngussami takuneqarsinnaavoq. Takuneqarsinnaasutut uuliamik unissaatinik siammaasisoqarsimavoq.