Lars Jomfru Ane Gademit ingerlavoq

Marlunngornermi Jyllandip avannaani politiit 28-nik ukiulik Lars Svendsen suli ujaaraat, taanna tallimanngornerup unnuaanili Aalborgimi takuneqarsimanngilaq

Lars Svendsen 28-nik ukiulik Aalborgimiitilluni tallimanngornerup unnuaanili takuneqaqqinngilaq. Foto: Facebook

Marlunngornermi ullaallut Jyllandip avannaani politiit ujaarineqartoq Lars Svendsen pillugu paasissutissat nutaat tunngavigalugit sulipput, taanna tallimanngornerup unnuaanili Aalborgimi takuneqarsimanngilaq.

- Aalborgip qeqqata ilaani angerlarsimaffiit ilaanni nuannattuneereerluni Lars inuit allat peqatigalugit unnuami ataatsip missaani Jomfru Ane Gadekkoorpoq. Paasissutissat aatsaat pissarsiarigakkit maannakkut oqatigisinnaanngilara qassit ingiaqatigisimanerai.

Læs også "Efterlysning: Har du set Lars Svendsen?"

- Nalungnilarpulli taassuma siornagut Vesteråmi Jomfru Ane Gademut qanittumi nuannattuniissimasoq, Jyllandip avannaani politiiniit Poul Badsberg Sermitsiaq.AG-mut oqarpoq.

- Piffissap ilaani Jomfru Ane Gademi neriniartarfimmit anivoq, tassalu kingullerpaamik takuneqarluni. Qassinoorpiarnersoq naluarput.

Imigassartorsimavoq
- Lars Svendsen ingiaqatiminit avissaarami qanoq issimanera ilisimavisiuk?

- Imigassartorsimavoq kisianni qanoq aalakoortiginersoq naluarput nalunngiinnarparlut imigassartungaatsiarsimasoq, Poul Badsbjerg oqarpoq. marlunngormat nunatta kitaata nalunaaqutaa malillugu Lars Svendsen pillugu allanik paasissutissaateqarani.

Ippassaq Jyllandip avannaani politiinit Frank Liltorp Sermitsiaq.AG-mut oqaluttuarpoq tallimanngormat unnuaagaa Limfjordenimit pissittoqartoq takuneqarsimasoq, arlalillu ernumagaat Lars Svendsen qano pisimanersoq.

Lars Svendsenp ilaqutaasa qanigisaatalu attaveqarfigerusoqaat, taamaattumik Lars Svendsen takusimagukkut imaluunniit sumiinnersoq nalunngikkullu Aalborgimi politiit attaveqarfigikkit normoqartut 96 30 14 48 imaluunniit Mads Rosing Mogensen normoqartoq 28 81 47 01.

Powered by Labrador CMS