Kumorn’ aallakaatinneqalerpoq
Kumorn' tassaavoq KNR Radiop ullaajunerani aallakaatitassiaa nutaaq ullaaq manna aallartittussaq
Nunatta kitaani nalunaaqutaq naapertorlugu ullaaq arfinernut radiukkut aallakaatitaq nutaaq Kumorn KNR Radiomi aallatippoq.
RKumorn ́-imi aaqqissuisoqarfik ullaajunerani nalunaaquttap akunnerini pingasuni nunatsinnit nutaarsiassanik assigiinngitsunik suusinnaasunik aallakaatitsisassaaq nunanit allanit nutaarsiassanik akullattaarlugu. Ullaajunerani aallakaatittagaq nutaaq aamma unammisitsisassaaq naalaartartunillu ilanngutassiaqartitsisassalluni, tamatumalu saniatigut nunatsinnit nunanilu tamalaanit nipilersukkanik nutaajunerpaanik ullaajunerani tusarnaagassaqartitsissalluni.
Tusagassiortut Lis L. Jokumsen, Salomine Tobiassen aamma Lotte Holm nikittaallutik Simon Uldum peqatigalugu aallakaatitsivimmiittassapput. Simon, ulluinnarni freelanceritut sulisoq, nipilersoqatigiinni DDR-imi kitaarertartutut aamma ilisimaneqarpoq. Henrik Arkalo Broberg, ukiorpaalunni najukkami radioqarfimmi sulisuusimasoq, maannalu KNR-imi tuniniaanermut pisortaasoq, ullaajunerani aallakaatittakkami aalajangersimasumik ingerlatsisuussaaq.
Ullaaq Kumorn’ tusaaviuk? Qanoq isumaqarfigaajuk?