Aavaat Budapest tusarnaartitsiffigiartorpaat
Kalaallit erinarsoqatigiivi Aavaat Ungarnimi illoqarfiit pingaarnersaanni Budapestimi tusarnaartitsiartortut
Erinarsoqatigiit Aavaat assiliisorlu Jørgen Chemnitz Unganimut angalallutik aallarput Kalaallit Nunaat erinnat oqaatsillu aqqutigalugit saqqumilaartikkiartorlugu.
Marlunngornermi Aavaat tusarnaartitsissaaq saqqummersitsineq "Breaking the Ice – Climatechanges and the consequences for the people in Greenland", Det Etnografiske Museumimi ammaanersiorlugu. Tamaani assiliisoq kalaaleq Jørgen Chemnitz assilisaminik saqqummersitsissaaq.
Pingasunngornermi Aavaat ambassadør Mads Sandau-Jensens ilassinninnerani erinarsussapput.
Sisamanngornermi nunat tamalaat atuakkanik saqqummersitsineranni Aavaat erinarsussapput.
Aavaat perngaamik Ungarniliassapput erinarsoqatigiit ilaasortaat 22 tamarmik peqataassapput erinarsoqatigiinni aqutsisup aappaa Poul Ringsted aqutsisoralugu.
Danskit Budapestimi kulturikkut ingerlatsiviat Aavaat angalanerannik aaqqissuipput.