Tamaattumik Titanic suli oqaluuseraarput

Apriilip 14'iata aamma 15'iata unnuaani ukiut 100 matuma siorna Titanic iluliarsuarmut aporpoq inuit 2224 issimasoralugit kivilluni. Atlantiku ikaarlugu angalaqqaarnermi tamanna pivoq.

Kingorna nunarsuarmioqatigiit ajunaarnersuarnik annernik, aattaqaqisunik sivisuumik sunniuteqartunik takusarpoq, Titanic'illi umiunera oqaluttuarisaanermi ajunaarnersuit eqqartorneqarnerpaartaraat.

Jesper Hjermind, Viborg Museum'imi museumsinspektørisoq atuakkiamillu "Titanic - de danske fortællinger", allaqataasoq naapertorlugu Titanic'imik tiguarteqqanerput tunngaveqarpoq umiarsuaq umiusinnaanningitsutut taasaq umiummat.

- Piviusunngornissaanik ilimaginngisap piviusunngorneranik oqaluttuaq. Umiarsuaq nutaarsuaq kivisinnaanngitsutut taaneqartoq Guutimit anneruniartunngorluni, taamaattoq umiarsuaq iluliarsuarmut aporluniangalanermini siullerpaami kivivoq, Jesper Hjermind oqarpoq.

Taanna isumaqarpoq Titanicimik soqutiginninnerujussuarmut aamma pissutaasoq, ajunaarnersuaq "paasiuminarmat". - Umiarsuaq aallarpoq ilulissamut aporami nalunaaqquttap akunnialunngui qaangiummata kivivoq. Taama ajunaarneq "ajunngilaq" aammik kuisinertaraqarani innarleerujussuaranilu, Jesper Hjermind oqarpoq.

Nunarsuaq tamakkerlugu umiarsuup ukiut 100 matuma siorna kivinera malunnartinniarneqarpoq. Irlandimi katersugaasivik umiarsuartut isikkulik ammarneqarpoq, Hongkongimi igasut arlallit umiarsuup kivinnginnerani akimanerit unnukkut nerisaasa assinginik nerisassianik assigiinngitsunik qulinik sassaallerput, inuillu 1309 umiarsuup aqqutaa atorlugu angalapput.

- Isumaqarpunga inuit oqaluttuamit nuannersumit sunnertittartut isumaqarlutillu namminneq oqaluttuarisaanermut ilaanissartik pissangagisaraat, Jesper Hjermind oqarpoq taamaattumik inuit nunarsuaq tamakkerlugu ukiut 100 matuma siorna pisoqq uteqqiaffigigaat.