- Ukiuni arlalinni canadamiunik oqaloqatiginnilluartarpugut
Naalakkersuisut siulittaasuat Kuupik Kleist Tartupaluup immaqa avinneqarnissaanik paasissutissiivallaarusunngilaq
- Uppernarsarsinnaavara Tartupaluk pillugu ukiuni arlalinni Canadamik ajunngitsumik oqaloqatiginnittarsimagatta.
Taamatut oqarpoq naalakkersuisut siulittaasuat Kuupik Kleist, Inuit Ataqatigiit.
- Maannangaaq isumaqatigiissuteqartoqanngilaq, taamaattumillu naleqqutissanngilaq aaqqiissutaasinnaasunut siunnersuutinut maannangaaq oqaaseqassalluni. Killeqarfiliinissamik ajornartorsiummut isiginninnerput issittumi periusitta pissusissamisoortumik nanginneraa, isiginninnerpullu pivoq Issittumi qanimut suleqatigiinneruvoq inuiaat eqqartuussiviannik tunngavilik, Kuupik Kleist nassuiaavoq.
Atuaruk "S: Tartupaluup avinneqarnissaa Inatsisartuni"
Atuaruk "Aviisi: Danmarkip Canadallu Tartupaluk avinniarpaat"
Taanna saqqummiussivoq canadamiut aviisiat National Post allaaserinnereersorlu Kalaallit Nunaata avannamut kitaani Tartupalummik Canadap Danmarkillu ukiuni arlalissuarni killeqarfimmik aaqqiagiinngissuteqareernerat immaqa qaangiutingajalersoq.
Avitsinissamik pilersaarut Danmarkimit Canadamilluunniit suli akuersissutigineqarsimanngilaq, aviisi allappoq.
Siumumeersup Doris Jakobsenip qulakkeerniarpaa qeqertamik 1973-imiilli assortuussutigineqartumik Danmarkip Canadallu avinneqarnissaanik isumaqatigiissutigisinnaasaat sukkanerpaamik Inatsisartut nunanut allanut isumannaatsuunermullu ataatsimiitaliaanni oqaluuserineqarnissaa.