Aalborgimi sulinermik unitsitsigallarneq ingerlatiinnaraat

Aalborgimi Grønlandshavnimi quersualerisut assartugalerisullu sulinerminnik unitsitsigallarnertik ippassaq aallartittoq ingerlatiinnarniarlugu aalajangerput

Asseq: Aalborg Havn

Aalborgimi Grønlandshavnimi quersualerisut assartugalerisullu sulinerminnik ullumi aamma unitsitsigallarput. Tamanna ullup sinneranuugallartumi pissaaq.

- Sulinermik unitsitsigallarnerup kinguneranik nassiussanik quersuatsinni terminalitsinniluunniit isumaginnittoqanngilaq. Tamanna sulinermik unitsitsigallarnerup atuunnerani nassiussanik containerinillu usingiaasoqaranilu usilersuisoqannginnissaanik isumaqarpoq, RAL ilisimatitsivoq.

Læs "Arbejdsnedlæggelse i Aalborg"

RAL-imi attaveqatigiinnermut pisortaq Jakob Strøm ippassaq Sermitsiaq.AG-mut nassuiaalluni oqarpoq, sulinermik unitsitsigallarneq isumaqatigiinniarnernik qanimut iserfigerusunngisaminik maannalu ingerlanneqartunik pissuteqartoq.

- Sullitavut suli kaammattorusuppavut Grønlandshavnip tungaanukalersinnatik Royal Arctic Logistics paasiniaavigisaqqullugu, Jakob Strøm oqarpoq.

Royal Arctic Logistics telefonnummer +45 99 30 32 34 aqqutigalugu attavigineqarsinnaavoq.

Powered by Labrador CMS