Tamarmik piaartumik aaqqiisoqallaquaat

Peqqissutsimut Naalakkersuisoqarfiup piaartumik aaqqiissuteqarnissaq aamma soqutigigaa, naalakkersuisoqarfimmi pisortap Ann Birkekær Kjeldsenip erseqqissarpaa

Peqqissutsimut naalakkersuisoqarfimmi pisortaq Ann Birkekær Kjeldsen. Foto: Jørgen Chemnitz

Peqqinnissaqarfiup Qullersaqarfiani sulisut pingasut marsip 25-ani suliunnaarsitaane­rannut atatillugu Peqqissaasut Kattuffiat Nakorsallu Kalaallit Nunaanni Peqatigiiffiat tusagassiorfinnut nalunaaruteqarput, suliap naalakkersuisoqarfimmi pisortamit Ann Birkekær Keldsenimit ingerlanneqarnera ernumassutigalugu oqaaseqaateqarlutik.

Ann Birkekær Kjeldsen ilaatigut isornartorsiorneqarpoq inuit pingasut kikkuunerinik nalunaaruteqarsimanerminut.

Læs "- Hvor bliver den ansvarlige af?"

- Assigiinngitsunut paasissutissiisimavunga pissutsinut tunngatillugu oqaaseqarsinnaanera naapertorlugu. Pissutsilli assigiinngitsut tamanut, taamatullu aamma Peqqinnissaqarfimmi sulisunut, oqaaseqaateqarfigisinnaanngilakka.

- Paasilluarsinnaavara Peqqinnissaqarfimmi ernumasoqarlunilu aarleriso­qarmat, maannakkulli sulianut tunngatillugu paasissutissanik inatsisilerituullu naliliine­rinik pissarsiniartoqarpoq, taamaammallu suliat suli naammassineqarsinnaanngillat..

- Aammattaaq uanga soqutigilluinnarpara Peqqinnissaqarfimmi sulisut siunissap qanoq isikkoqarneranik piaarnerpaamik paasitinneqarnissaat. Ilutigitilluguli erseqqissartariaqarpara sulisut taakku pingasut suliunnaarsitaasimasut siullerpaajullutik paasissutissinneqartussaammata.

- Peqqissutsimut Naalakkersuisoqarfiup aammattaaq kissaatigaa suliap tamatuma sivisunaannginnissaa, sapinngisamillu piaartumik naammassineqarnissaa, taamaattumillu erseqqissarumavara suliap piaarnerpaamik aaqqiivigineqarnissaa tamavi­aar­luta sulissutigigatsigu.

Læs "Skarp kritik efter udskiftninger i sundhedsledelsen"

Læs "Chok-udskiftning i sundhedsledelsen"

Ilaasortanit sisamaasunit pingasut
Peqqinnissaqarfiup aqutsisoqarfiani pisortaq Kurt Nielsen, nakorsaaneq Carsten Thordal aamma peqqissaasut pisortaat Lisbeth Lumby Rasmussen sapaammi marsip 25-ani suliunnaartitaapput. Nunatsinni peqqinnissaqarnikkut pisortanit sisamaasunit pingasut suliunnaartinneqarput "eqqumiitsumik akissarsititsisarnerminnut" atatillugu.

Tamanna Ann Birkekær Kjeldsenip siusinnerusukkut Sermitsiaq.AG-mu toqaatigaa. Ullumikkut Ann Birkekær Kjeldsen oqaaseqartissinnaasimanngilarput.

Powered by Labrador CMS