Karl Peter pokalimik angalaartumik pivoq
Sermitsiap pokalimik ingerlaartumik ukioq manna tigusisussatut toqqarpaa Karl Peter Kristensen. Taanna sisoraatigaluni Nordreisa ilinniarnertuunngorniarfigaa
Sisoraatinik oqilaniuttartut ataatsimiititaliaata Sermitsiap pokalia ingerlaartoq 22'nik ukiulimmut Karl Peter Kristensenimut tunniutissallugu aalajangiuppaa.
Karl Peter Kristensen, angusani pillugit saqquminiartuunngilaq, illuatungaani misilittakkani inuusunnernut ingerlakkumasarpai. Ilaatigut arlaleriarluni - naak timersortartutut sukalanertut sungiusarnissat piumasaqaataagaluaqisut, piumassuseqarluni sisorartartunik misilittagakinnernik siunnersuisarpoq FIS-løbimut peqataaneranni.
Nuna tamakkerlugu sungiusaasoq peqatigalugu Nunatsinni pissartanngorniunnerit nalaanni, sisoraatinik oqilaniunnermi atortussianik nutaaliaasunik Aasianni GM'ip ingerlanerata nalaani ilitsersuusseqataavoq.
Karl Peter Kristensen, Nuummi inunngorpoq, ASP Aasianni ilaasortaaffigalugu. Ulluinnarni Norgep avannaani sisoraatigaluni ilinniarnertuunngorniarpoq, 2008 aallartilluni. 1999 aallarnerfigalugu sisoraatinik oqilaniunneq aallutilerpaa.
Karl-Peter inuusuttuaraalluni ilaatigut Arctic Winter Games peqataaffigaa, bronzimik ujaminnalluni, angutaavoq nunatsinni nunattalu avataani malunnaatilik. Juniorverdensmesterskabit, Norgesmesterskabit aamma U-23 Verdenmesterskabini inissinnikuuvoq. Aamma soorunami Kalaallit Nunaanni sisupiloornermi pissartanngorniunnerni.
Sisorartartut kattuffiani aamma sisoraatinik oqilaniuttartut silarsuaanni Kalaallit Nunaanni inuusuttunut maligassiuisuuvoq nuannartorinarlunilu.
Sermitsiap 2012 aallarnerfigalugu pokali angalaartoq Kalaallit Nunaanni sisoraatinik oqilaniuttartumut tunniukkusussimavaa. Pokali angalaartoq sisoraatinik oqilaniunnermik sammisalimmit arnamit angutimilluunniit pissarsiarineqarsinnaavoq.