Malik Holm angusassaanngilaq
Sisupiloornermi GM Qeqertarsuarmi ingerlanneqarmat Malik Holm, NS-84 inersimasuni anguneqarsinnaanngilaq
Annonse
Sisupiloortartoq Malik Holm ukioq manna ilaatigut ilungersunartorsiortartoq kiisami iluatsitsilluavippoq. Malik Holm ulluinnarni Norgemi sisoraatigaluni ilinniarnertuunngorniartoq Nuummit NS-84'imit aggerfeqarpoq.
Poorskimi GM'ip ingerlanneqarnerani aqqutissaq soorlu Malimmut pujassagaq. Unammiffigisani tamaasa ajugaaffigai. Slalom, storslalom aamma Super-G. Tassalu sisupiloornermi kombinationimi ajugaasuulluni. Piffissaq sisorarfiusoq sivikitsoq Malik Holmimut pitsaalluinnartumik naggaserneqarpoq.
GM'ip kingorna Malik Holm toqqaannartumik Norgemut utissaaq sisoraatigaluni ilinniarnini nangikkiartorlugu. GM'imi angusat allat uterfigissavagut.