Misilittagaqarneq aalajangiisuuvoq

Misilittagaqarneq Frederik Elsner badmintonimi GM'imi angutit ataasiakkaarneranni immikkoortuni pingasuni piginnaaneqarluartoq Jens Frederik Nielsen ajugaaffigaa

Jens Frederik Nielsen, Sisimiuni GM'imi angutit iligiiaarneranni. Assi: Nicolas Damgaard
GM badminton, Sisimiut timersortarfianni ingerlanneqartoq. Assi: Nicolas Damgaard
Jens Frederik Nielsen, Sisimiuni GM'imi angutit iligiiaarneranni. Assi: Nicolas Damgaard GM badminton, Sisimiut timersortarfianni ingerlanneqartoq. Assi: Nicolas Damgaard Jens Frederik Nielsen, Sisimiuni GM'imi angutit iligiiaarneranni. Assi: Nicolas Damgaard GM badminton, Sisimiut timersortarfianni ingerlanneqartoq. Assi: Nicolas Damgaard Jens Frederik Nielsen, Sisimiuni GM'imi angutit iligiiaarneranni. Assi: Nicolas Damgaard GM badminton, Sisimiut timersortarfianni ingerlanneqartoq. Assi: Nicolas Damgaard

Poorskimi GM Badminton ingerlanneqarnerani ersippoq timersoqatigiiffinni suliat ajunngilluinnartut. B-67, Nuuk nunatsinni klubbit pitsaanersaasa ilaannut kingumut peqqippoq. GM'ip ingerlanerata nalaani tamanna takutippaat arlalissuarnik ujaminnattortaqarlutik.

Inersimasuni siorna ataasiakkaarnermi pissartaasut Sara L. Jakobsen, B-67 aamma Frederik Elsner, B-67 pissartanngoqqipput. Taakkua sanitigut pingasoriaammik nunatsinni pissartanngortoqarpoq. Taakkua tassaapput Sara L. Jacobsen, B-67, aamma Nuka Mark Nielsen, ARS.

Sara L. Jacobsen ataasiakkaarluni finalimi klubbeqatini Rina Lorentzen ajugaaffigaa. Immikkoortuni marlunni inerneralugit 21-7, 21-5. Arnat marlukkaarneranni Sarap aamma Rinap, Tina Madsen aamma Juliane Brønlund, JBF, ajugaaffigaat 21-13, 21-13. Arnat angutillu akuleriinneranni inersimasuni ajugaapput Sara L. Jacobsen aamma Jens Frederik Nielsen ajugaaffigalugit Taatsiannguaq Pedersen, BKN, aammaJuliane Brønlund, JBF, 21-17, 15-21, 21-18.
Angutit ataasiakkaarlutik pissartanngorniunneranni siuariartuinnartoq Jens Frederik Nielsen aamma Frederik Elsner misilittagaqarneq unammipput. Misilittakkat tassani ajugaapput. Frederik Elsner pissanganaqisumik naligiiffiusumillu immikkoortunik pingasunik unamminerup kingorna pissartanngorpoq, 20-22, 21-18, 21-15.

Angutit marlukkaarneranni milittagaqarneq kingumut aalajangiisuuvoq. Frederik Elsner aamma Mininnguaq Kleist, B-67, naapikkamikku Jens Frederik Nielsen aamma Taatsiannguq Pedersen, BKN. Immikkoortut marluk pissanganavissumik unammiffiupput misilittagaqarnerit, Elsner aamma Kleist marloriarlutik 21-17'imik ajugaapput.

Powered by Labrador CMS