Issittoq danskit isaannit isigalugu
Tycho Brahe Planetarium, Københavnimi inissisimasup Issittumi silap pissusaata allanngoriartornera sammivaa
Ilisimatusartut assigiinngitsunik sammivillit tamarmik isumaqatigiissutigaat, silaannaap kissatsikkiartornerata nassataanik pol'ini siku annikinnerulersoq nunarsuarmi sumiiffinni allani imaq qaffattoq. Taama ineriartortoqarnera unammilligassaqarpoq aammali iluaqqutissaqarluni, pingaartumik Issittumi, avatangiisi immikkuullarittoq tamaani najugalinnut immikkut periarfissaqarluarpoq. Periarfissanik nutaanik qanoq atorluaanissaq, tassa assortuussut.
Taamaattumik Tycho Brahes Planetariet aaqqissuussivoq ilisimatusartut DTU'mit Danmark Tekniske Universitet, Issittumi ilisimatusarnermi satellitsit atorlugit upalungaarsimaneq aammalu akuutissat avatangiisinut annikitsumik sunniuteqarsinnaasut pillugit saqqummiissapput. Ilisimatusarneq assigiinngitsutigut pitsanngoriaatitalik ilaatigut avatangiisinik nakkutilliinerup pitsaanerulerneranik aamma imaatigut sillimaniarnermut attuumassutillit.
Taama planetariet.dk. ilisimatitsivoq. Aaqqissuussineq apriilip aqqarnganni nal. 19-21 Tycho Brahe Planetariumimi ingerlanneqassaaq, iserneq 70 koruuninik akeqarpoq.