GM bordtennis aamma aallartiinnaqaaq
BAT-98, Sisimiut aamma K-1933 holdikkaarluni unammersuarnermi juniorini meeqqanilu ajugaasuupput
Sisamanngorneq Illernartoq Qaqortumi GM bordtennis ulloq siulleq ingerlanneqarpoq. GM peqataasorpassualik ilami timersoqatigiiffiit arfinillit 147'nik unammiartitaqarmata. Ullormi siullermi holdikkaarluni unamminerit ingerlanneqarput ukioqatigiiaanni assigiinngitsuni tallimani.
Klubbit peqataatitaqartut makkuupput: NBK-88, Niaqornaarsuk, BAT-98, Sisimiut, NAPA-86, Atammik, NNAP, Nuuk, Nagtoralik, Paamiut aamma timersoqatigiiffik qaaqqusisuusoq K33, Qaqortoq 50'it sinnerlugit peqataatitaqartoq.
Ammaanersiornermi GBTU'p siulittssaua, Sofie Kleist, tikilluaqqusilluni oqaaseqarpoq taamattaaq timersoqatigiiffiup unammersuarnermik aaaqqissuussisup siulittaasua, Henrik Ottosen, oqalugiarluni.Borgmester Simon Simonsen kingorna pisortatigoortumik GM ammarpaa.
- Kingullermik Qaqortumi bordtennisimi unammersuarneq ukiut qulit matuma siorna ingerlatsisoqarpoq. Tamassuma kingorna illoqarfimmi bordtennisklubi allipiloorpoq ilaasortarpassuaqalerluni, maannakkullu nunatsinni unammeruarnerit ingerlannerani klubbit annersaralugu, Poul Hard Qaqortumit oqaluttuarpoq.
GM aallartillugu holdikkaarluni unamminerit ingerlanneqarput. Unammersuarnerni tallimanut immikkoortitikkamit ullormi siullermi angusat pissarsiagut imaapput:
Juniorit:
1: BAT-98
2: NNAP
3: K-1933
4: Nagtoralik
Meeqqat:
1: K-1933
2: Nagtoralik
3: BAT-98
4: NBK-88